سەرنووچە:

بەنکا ناڤەندیا عێراقێ پێنگافەکێ دهاڤێژیت بۆ کێمکرنا بهایێ دۆلاری

PM:03:50:20/10/2021

1732 جار خوێندراوەتەوە

+ -

فرۆتنا دۆلاری ل بەنکا ناڤەندیا عێراقێ هەڤبەر دگەل حەفتیا دەربازبووی ڕێژا ١٢.٣٨% زێدەکریە، ب ئاوایەکی کو بتنێ ئەڤرۆ ١٥٥ ملیۆن و ٥١ هزار دۆلار ئێخستینە بازاری.

ئەڤرۆ چارشەمبی، بەنکا ناڤەندیا عێراقێ فرۆتنا دۆلاری بڕێژا ١٢.٣٨% هەڤبەر دگەل حەفتیا دەربازبوی بلندکریە، پشکەک ژ وان پێنگاڤان ژی ب مەرەما جێگرکرنا بهایێ دۆلاری بوویە دبازارێن دراڤێن وەلاتی دا.

لدویڤ بەنکا ناڤەندی، تێکرایێ بهایێ ئێک دۆلارب ١٤٦٠ دنیاربوویە، بڤێ چەندێژی بهایێ ١٠٠ دۆلاران ١٤٦ هزار دەینار بوویە.

ئەویەک ژی دیارکرن، پشکەک ژ وی دراڤێ ئێخستیە دبازاریدا ب مەرەما پارەدارکرنا کەرتێبازرگانی بوویە ژدەرەڤەی وەلاتی.

بەنک دبێژیت ژی، ئێکشەمبیا حەفتیا دەرەبازبووی کۆژمێ ١٣٨ ملیۆن و ٨٧٢ هزار و٧٩١ دۆلاران ئێخستینە دبازاریدا، لێ ئەڤرۆئەو کۆژمە بۆ ١٥٥ ملیۆن و٥١ هزار و ٨٩٨ دۆلاران بلند بوویە.

چارشەمبیا ئەڤرۆ، د دەمی ڤەکرنا بازاراندا ل هەرێما کوردستانێ ١٠٠ دۆلار ب ١٤٨ هزار و ٢٥٠ دیناران بازار پێ هاتە کرن، کو هەڤبەر دگەل دەمێ گرتنا بازاریدا ل دوهی بهایێ وی ٥٠ دیناران بلند بوویە.

سالا دەربازبووی، حکومەتا عێراقێ گۆهڕین کرن د کۆژم و بهایێ فرۆتنا دۆلاریدا و بهایێ خستنە روی ژ ١١٨ هزار دیناران بلندکریە بۆ ١٤٥هزاردیناران.


گەلەری