PM:10:06:19/10/2021
468 جار خوێندراوەتەوە
+
-
پشتی چەندین جاران ماموستایێن وانەبێژ داخازا مافێن خۆ کرین
کو بهێنە دامەزراندن و چەندین خڕڤەبوون ئەنجامداین و ل چەند جهان بایکۆتکری ئەڤرۆ
ماموستایەکێ وانەبێژ یێ بەردەرەش هاتە دویرخستن ژ ئالیێ پەروەردەیا بەردەرش ڤە.
گوڕان جبرائیل ماموستایێ وانەبێژ ل خاندنگەها بشێریان یا
بنەرەت بۆ ئێن ئاڕ تی ڕاگەهاند، کو ئەڤرۆ و پشتی پێنج سالان ژ خزمەتا ماموستاییا
وانەبێژیێ، رێڤەبەرێ خاندنگەهێ ب وی گوتیە ب فەرمانا رێڤەبەرێ پەروەردەیا بەردەرش هاتیە
دویرخستن.
ئاماژە ب وێیەکێ ژی کر، "ئەز وەک کورێ شەهیدی
داخازا مافێ خۆ دکەم و ل وانا خۆش نابم و جهێ دلگرانیێ یە گەف ل ماموستایان دهێنە
کرن کو دەست ژکار بکێشن، یان بایکۆتێ بشکێنن".
پشتی
وێیەکێ نوینەرێ ماموستایێن وانەبێژ ل هەرێمێ ل تۆڕا جڤاکیا فەیسبوکێ خۆیێ تایبەت
پۆستەک بەلاڤکریە و دبێژت، "ب هەمی رەنگان پشتەڤانیا ماموستا گوڕانی دکەم
هەیا ب ڤەگەڕیتە جهێ خۆ".
ئەڤە
ددەمەکدایە، ل بەریا چەند رۆژان چەند ژ نوینەرێن ماموستایێن وانەبێژ ڕاگەهاند
ئەگەر حکومەت لدویف داخازیا وانا نەهێت دێ بایکۆنا تەڤایی ڕاگەهینن و دێ چادران ل
پێشیا جڤاتا وەزیران ڤەدەن بۆ داخاکرنا مافێن خۆ.