AM:10:50:19/10/2021
1060 جار خوێندراوەتەوە
+
-
ئەندامەکێ مەکتەبا سیاسیا پارتی ڕاگەهاند،
دەنگێن پارتی د هەلبژارتنێن بەروەخێتن پەرلەمانێ عێراقێ دا ل دهۆک و سلێمانی و هەولێرێ
نە دئاستێ پێتڤی دا بوون. دبێژیت ژی، رەنگە ژ روویێ کورسیان ڤە ڕەوشا پارتی باشبیت
لێ ژ روویێ دەنگانڤە نەیا باشە.
جەعفەر ئیمینکی د داخویانیەکێ دا بۆ میدایێن
حزبا خۆ ئاماژە ب وێیەکێ کر، پێتڤیە پارتی ڤەکۆلینێ لسەر وان سەدەمێن کێمبوونا
دەنگێن خۆ ل کوردستانێ بکەت، بەحسا وێیەکێ ژی کر، نها رەفتارا دەنگدەران هاتیە
گوهۆرین و ب ئاسانی ناهێنە سەر سندوقێن دەنگدانێ و خەلک لسەر دەستکەفتێن
دەربازبووی یێن حزبان نەرازینە.
وی ئەندامێ مەکتەب سیاسیێ پارتی بەحسا وێیەکێ
ژی کر، پارتی دلگرانە لسەر بایکۆتا دەنگدانێ ژ ئالیێ خەلکی ڤە.
رۆژا ١٠ی ڤێ مەهێ هەلبژارتنێن بەروەختێن
پەرلەمانێ عێراقێ برێڤەچوون و تیدا دەنگێن حزبێن دەستهەلاتێ ب ئاوایەکێ بەرچاڤ
کێمکربوون، ب ئاوایەکێ پارتی بتنێ ل سێ پاررێزگەهێن هەرێمێ د دەمێ سالا ٢٠١٨ێ بۆ
٢٠٢١ێ دا نێزیکی ٢٠٠ هزار دەنگ کێمکرینە.