AM:09:49:19/10/2021
1356 جار خوێندراوەتەوە
+
-
لیرەیێ تورکی بلنترین رێژا ژ دەستدانا بهایێ
خۆ تۆمارکر و د نها دا بهایێ ١٠٠ دۆلارێن ئەمریکی لهەمبەر ٩٣٥ لیرەیێن تورکی یە.
ل دەستپێکا ئەڤ سالە و هەیا نها لیرەیێ تورکی
لهەمبەر دۆلارێ ئەمریکی ب رێژا ژ سەدێ ٢٠
بهایێ خۆ ژ دەستدایە، ب ئاوایەکێ نیڤا وێ ژ دەستدانێ بتنێ د دەمێ زێدەتری ئێک مەها
دەربازبووی بوویە.
داکەتنا بهایێ لیرەی رەخنەیێن دژوار یێن ئۆپۆزسیۆنێ
لدیڤ خۆ ئیناینە، بڤێ یەکێ ژی ب بڕیارا ئەردوغان سەرۆککومارێ تورکیا، سێ ریڤەبەرێن
بەنکێن ناڤەندی یێن وی وەلاتی هاتینە گوهۆرین، ئەو ژی وەکی ئێک ژ سەدەمێن داکەتنا
زێدەتر یێ بهایێ لیرەی دهێتە دانان.
د وی کەڤانی دا، کڵیچدار ئۆغلو سەرکێ پارتیا
گەل یا کۆماری (جەهەپە) د پەیامەکێ دا داخاز ژ ئەردۆغانی کر، ژڤێ زێدەتری
دەستکاریێ د کاروبارێ بەنکا ناڤەندیا وی وەلاتی دا نەکەت، هایدرای ژی دایە کو سیاسەتێ
تێکەلی کارێ بەنکا ناڤەندی نەکەت.