AM:08:51:19/10/2021
1328 جار خوێندراوەتەوە
+
-
ژێدەرەکێ ژ ئەولەهیێ ڕاگەهاند، "د شەڕێ پشتەڤانێن دوو تیپێن تەپاپێ دا پشتی
ئەنجامدانا یاریەکێ ل زیقار، چار کەس هاتن کوشتن".
ژێدەرەکێ ژ ئەولەهیێ بۆ ئاژانسا نووچەیێن
ئەنادۆل ڕاگەهاند، "پشتی ب داوی هاتنا یاریەکێ دناڤبەرا دوو تیپێن تەپاپێ یێن
ناڤخۆی دا، شەڕ و ئالوزی دناڤبەرا دوو هۆزێن پارێزگەها زیقاردا روویدا و د ئەنجامدا
چار کەس هاتن کوشتن و نەهـ کەسێن دی ژی
برینداربوون".
ژێدەری زەلالژیکر، "شەڕ دناڤبەرا سەدان
چەکدارێن هۆزا (ئال شدود) و (ئال زبید) روویدا و بۆ کۆنترۆلکرنا ڕەوشێ هێزێن
ئەولەهیێ بۆ وێ دەڤەرێ هاتنە هنارتن".
ژێدەر کو ئەفسەرەکە ل پارێزگەهێ بۆ ئاژانسا
ئەنادۆل گوتیە، "شەر دەسپێکێ دناڤبەرا گەنجان بوویە پشتی بەژداریکرنا وان د
یاریەکا تەپاپێ یا ناڤخۆی دا ل دەڤەرا کەعیکە ل پارێزگەها زیقار و پشترە بۆ
رووبرووبوونێ مەزن بوویە".
ل گۆرەی پەیڤا ژێدەری جورێن چەکی دشەڕی دا
هاتیە بکارئینان و ب سەدان چەکداران تێدا بەژداریکریە و د ئەنجامێن شەڕی دا چارکەس هاتینە کوشتن و نەهـ
کەسێن دی ژی برینداربووینە.