PM:11:18:18/10/2021
1092 جار خوێندراوەتەوە
+
-
سەرۆکوەزیرێن عێراقێ ڕاگەهاند، کەسەک دەستەسەرکریە، کو بەرپرسێ سەرەکیێ
تەقینا خۆیناویا سالا ٢٠١٦ێ یا کەڕادەیا بەغدابوویە، کو ب وێ سەدەمێ ژی زێدەتر ژ
٣٠٠ کەسان هاتبوون کوشتن.
مستەفا کازمی سەرۆکوەزیرێن عێراقێ د تویتەریدا نڤێسایە، پشتی دەربازبوونا
پێنج سالان بسەر تەقینا خۆیناویا کەڕادە و دیڤچوونەکا هویر یا هێزێن ئەولەهیێ و
زانیاریێن هەوالگریێ شیان بەرپرسێ ئێکێ یێ وێ تاوانێ دەستەسەربکەن.
ئاماژە ب وێیەکێ ژیکر، غەزوان زەوبەعی یێ ناڤدار ب ئەبو عوبەیدەیێ
بەغدا، بەرپرسێ ئێکێ یێ وێ تاوانێ و چەند تاوانێن دی ژی بوویە.
بەحسا وێیەکێ ژی کر، لێپێچین لسەر تیکەفتیێن خۆینا وەلاتیان ئەرکەکێ
نشیمانی یە و چ کێمتەرخەمیا تێدا ناکەین و مافەک کو داخازی لدیڤ بیت بەرزەنابیت.
ئەو ژی د دەمەکێ دایە، ل تەمموزا سالا ٢٠١٦ێ ل دەڤەرا کەڕادەیا باژێرێ
بەغدا زنجیرەکا تەقینان هاتە ئەنجامدان و ب وێ سەدەمێ ژی زێدەتری ٣٢٤ کەسان
هاتنبوونە کوشتن و زێدەتری ٢٥٠ کەسێن دی ژی برینداربوون.