PM:08:35:18/10/2021
1024 جار خوێندراوەتەوە
+
-
سەرۆکێ لژنا دانوستاندنێن رەوتا سەدر بۆ پێکئینانا
حکومەتا داهاتیا عێراقێ ڕاگەهاند، دانوستاندن بۆ پێکئینانا هەڤەیمانیان و
پێکئینانا حکومەتێ دێ ب ئاوایەکێ ئارام و ئاسای برێڤەچن.
ئەڤرۆ دووشەمبێ، حەسەن عەزاری سەرۆکێ ژنا
دانوستاندنێن رەوتا سەدر بۆ پێکئینانا حکومەتا داهاتیا عێراقێ د تویتەرێ خۆ دا
پەیامەک بەلاڤکر و تێدا هاتیە، "رێرەوێن دانوستاندنان بۆ پێکئینانا حکومەتا
داهاتیا عێراقێ ب ئاوایەکێ ئارام و ئاسایی دچن".
د هەلبژارتنێن رۆژا ١٠ ڤێ مەهێ دا، رەوتا
سەدر ب رێبەریا موقتەدا سەدر شیا ٧٣
کورسیان بدەستڤە بینیت و وەکی ئێکەم حزبا پەرلەمانێ عێراقێ و دنها ژی دا مژیلی
دانوستاندنێ یە دگەل ئالیێن دی بۆ پێکئینانا حکومەتا نویا عێراقێ.
هەر ئەڤرۆ ژی؛ شاندەکێ پارتی سەرەدانا باژێرێ
سلێمانیێ کر و دگەل یەکێتی نشتیمانی کوردستان جڤیا و هەردوو ئالیان ژی تەکەز ل
وێیەکێ کر، "کو ل بەغدا دێ ب ئێک رێزی کارکەن".
هەڤدەم، هەر ئەڤرۆ ڤەلڤینا نەوەی نوێ ژی کو د
هەلبژارتنێن ئەڤ سالەدا شیا نەهـ کورسیان بدەستڤە بینیت ڕاگەهاند، "بەژداریێ
دحکومەتا داهاتیا عێراقێ دا ناکەین و هەمی پۆستێن وەزاری ژی ڕەتدکەین".
رۆژا ٨ی ١٠ی ڤێ مەهێ، دەنگدانا گشتی و تایبەت،
لسەرتاسەری عێراقێ برێڤەچوون و پشترە، کۆمسیۆنا بلندا سەربەخۆیا هەلبژارتنان ئەنجامێن
داویێ ڕاگەهاندن و گوت، "هەمی هەڤبەرکرنێن دەنگێن دەستی و ئەلیکترۆنی
هەڤئاوابوون".