PM:06:19:17/10/2021
1812 جار خوێندراوەتەوە
+
-
وەزارەتا پەروەردەیا عێراقێ کۆمەکا بڕیاران دەربارەی
خاندنا ئەڤسالە دەرئێخستن و تێدا هاتیە، ١٠ نمرەیا دێ دەنە خوێندکارێن پۆلێن نە
داوی.
بڕیارێن پەروەردەیا عێراقێ بریتینە ژ:
١-ل ئێکی مەها بهێت دەواما خاندنگەهان دێ دەستپێکەت د
ناڤا پۆلاندا.
٢-بهێنڤەدانا رۆژا شەمبی هاتە هەلوەشاندن و دەوامکرن دێ
حەفتیێ شەشە رۆژبن.
٣-(١٠ نمرەیان) دێ دەنە خوێندکارێن پۆلێن نە داوی (ژ
پۆلا پێنجێ سەرەتایی هەیا پێنجێ ئامادەی) کو ل خولا دوێ پێتڤی ب نمرانە دا بسەرکەڤن
بسەدەمێ قەیرانا ساخلەمیێ کو بەرۆکێ جیهان و وەلاتی گرتیە.
٤-جڤاتا وەزیران بڕیاردا خوێندکارێن سەرەتایی پۆلا ئێک
هەیا چار ب سەرکەفتی بهێنە هژمارکرن وەک پشتەڤانیەک بۆ زارۆیان بۆ بەردەوامبوون و
بەرەف پێشڤەچوونا وان ل خاندنێ ب تایبەتی ئەو رەوشا نها وەلات تێدا دەربازدبیت.
٥-ئەو خوێندکارێن توشی نەخۆشیا شێرپەنجێ بووین، پشتی
رادەستکرنا راپۆرتا نوژداری دکارن بتنێ پشکداری تاقیکرنێن داویێ ببن کو لسەر ١٠٠
نمرەیان دێ هێتە کرن.
ئەڤە ددەمەکیدایە، چەند جاران حکومەتا عێراقێ دەستپێکرنا
خاندنێ پاشئێخستی ب هێجەتا نەبوونا پلانەکێ بۆ رێگریکرنێ ژ بەلاڤبوونا ڤایرۆسێ
کۆرۆنایێ و نەبوونا ئاڤاهیێن خاندنێ و زێدەهیا هژمارا خوێندکاران.