سەرنووچە:

موقتەدا سەدر پەیامەک بەلاڤکر

AM:11:13:17/10/2021

1720 جار خوێندراوەتەوە

+ -

 

سەرۆکێ رەوتا سەدر ڕاگەهاند، ژ نها و پێدا دەمێ هەڤرکیی و ململانێ و بەرئێکەفتنێ نەمایە، بەلکو دڤێت هەمی شەر و گەفان بۆسەر ئەولەکاریێ و ئاشتیێ و هەرتشتێ زەرەرێ بخەلکی بگەهینیت بهێنە حەرامکرن، دبێژیت ژی، "دەمێ خزمەتکرنا نشتیمانیە".

 

پشتی کو کۆمسیۆنا بلندا سەربەخۆیا هەلبژارتنێن عێراقێ ئەنجامێن داویێ یێن هەلبژارتنێن بەروەختێن پەرلەمانی ڕاگەهاندین و تێدا رەوتا سەدر وەکو مەزنترین فڕاکسیۆنا پەرلەمانی لسەر ئاستێ عێراقێ سەرکەفتن بدەستڤە ئینای، موقتەدا سەدر سەرۆکێ ڤێ رەوتێ پەیامەک بەلاڤکر.


دپەیاما سەدری دا هاتیە، "ژ نها وپێدا نابیت هەلبژارتنان و ئەنجامێن وێ وهەر هەڤپەیمانیەکا کو دروست دبیت، بکەنە دەرگەهێ هەڤرکی و ململانێ و بەرئێک کەفتن و ئالۆزیێ، بەلکو دڤێت هەمی گەف بۆ سەر ئاشتیێ و ئەولەکاریێ بن و هەرتشتەک زەرەرێ ب خەلکی و کەرامەت وهێز و ئاشتیا وان بگەهینیت بهێنە حەرامکرن".


دبێژیت ژی، "دڤێت دیموکراسی شەفاف و پاقژبیتن، هەڤڕکیا شەریفانە تێدا بیت و یێن دی ژی قەبوول بکەی، هەلبژارتن دەنگێ خەلکیە و ڕۆژەکێ بۆتەیە ڕۆەکێ بۆتە نینە، ئەوا ب دەستڤە دئینی ئەنجامێ کار و پاقژیا تەیە".


موقتەداسەدری ئاماژە ب وێ یەکێ ژی کریە، ڕادگەهینم ئەنجامێن هەلبژارتنێن خۆ من قەبولکرن هەرچەوابن، خەلکی چ کێم تەرخەمی دگەل مە نەکرینە دپڕۆسا دیموکرسیێدا، نەئەم ژوان د تورەینە و نە ئەو ژی ژمە.


دەربارێ پێک ئینانا حکومەتا داهاتی ژی بەحسا وێیەکێ کریە، هەرچەندە فراکسیۆنا سەدر مەزنترین فراکسیۆنە، لێ هەول ددەن هەڤپەیمانیەکا نشتیمانی ژدەرڤەی پیڤەرێ نەتەوەیێ ونەژاد وئاین و مەزهەبی دروست بکەین.

 

ئەڤە د دەمەکیدایە، ڕۆژا ١٠ ی ڤێ مەهێ هەلبژارتنێن گشتی و هەشتێ مەهێژی هەلبژاتنێن تایبەت لسەرتاسەرێ عێراقێ و هەرێما کوردستانێ بڕێڤە چۆن وپشتی ئەنجامدانا هەلبژارتنانژی، کۆمسیونا بلندا سەربخۆیا هەلبژارتنان ڕاگەهاند، "ئەنجامێن جوداکریێن هەلبژارتنێن دەستی و ئەلیکترۆنی وەکی ئێکبوون.

گەلەری