سەرنووچە:

بسەدەما نقومبوونا بەلەمەکا کۆچبەران حەفت کەسان ژیانا خۆ ژ دەستدا

AM:10:25:17/10/2021

708 جار خوێندراوەتەوە

+ -

ئاژانسا هەوارهاتنا ئیسپانیا ڕاگەهاند، بەلەمەکا کۆچبەران ل کەنارێن وی وەلاتی نقومبوویە و ب وێ سەدەمێ ژی هەیا نها حەفت کەسان ژیانا خۆ ژ دەستدایە.


ئاژانسا هەوارهاتنا ئیسپانی ئاماژە ب وێیەکێ ژی کر، وێ بەلەمێ ٢٨ کۆچبەر تێدابوون، ل رۆژئاڤایێ ئیسپانیا بن ئاڤبوویە و سێ کۆچبەر ب ساخی رزگاربووینە و تەرمێ حەفتێن دی ژی هاتیە دیتن.

 

هەڤدەم، پەیڤدارێ چاڤدێریا کەنارێن ئاڤی یێن ئیسپانیا بەحسا وێیەکێ کریە، هەیا نها ١٧ سەرنشینێن بەلەمێ بێ سەروشینن و تیمێن وان بەردەوام د لێگەریانێ دانە لدیڤ تەرمێ وان کۆچبەران.

 

دەربارەی ناسنامەیا کۆچبەران، ئاژانسا هەوارهاتنا ئیسپانیا بەحسا وێیەکێ ژی کر، هێشتا نەدیارە کو سەرنشین خەلکێ کیڤەنە و ژ کیڤە هاتنە وێرێ.


ئەو ژی د دەمەکێ دایە، د دەما دەربازبووی رێکخراوا نیڤدەولەتی بۆ کۆچبەران ئاماژە ب وێیەکێ کریە، ل سالا ٢٠٢١ێ ب کێمی هزار وو ٢٥ کۆچبەر ل دەما بزاڤان بۆ گەهشتن ب ئیسپانیا خەندقینە.

گەلەری