PM:11:04:16/10/2021
1788 جار خوێندراوەتەوە
+
-
پەرلەمانێ پۆلەندا
پرۆژە یاسایەک پەسەندکر، کو حکومەتێ دەستڤەکری دکەت لسەر ب زووری شاندنا کۆچبەران،
حکومەتا عێراقێ ژی داخازێ ژ رێکخراوێن پۆلەندا دکەت د هەوارا کۆچبەرێن ئاسێ مای
بچن.
پشتی وێیەکێ حکومەتا
پۆلەندا، پرۆژەیاسایەک بۆ دروستکرنا دیوارەکێ لسەر سنورێ وەلاتێ خۆ و بیلاروسیا بۆ
رێگرتنێ ل کۆچبەران پێشکێشی پەرلەمانی
کری، پەرلەمانێ وی وەلاتی پرۆژەیاسا
پەسەندکر.
ل گۆرەی وێ
پرۆژەیاسایێ، حکومەتا وی وەلاتی دەستڤەکری کریە لسەر ب زووری شاندنا کۆچبەران.
د وێ دەربارێ دا ژی،
ماریوس بلاشچاک، وەزێرێ بەرەڤانیا پۆلەندا بۆ میدیایێن وەلاتێ خۆ ڕاگەهاندیە،
پرۆژەیێ دروستکرنا دیوارەکێ ژ ئالیێ
وەزارەتا ناڤخۆی ڤە دهێتە ئەنجامدان و گوت ژی، وەلاتێ وان سێ هزار سەرباز لسەر
سنورێ بیلاروسیا بەلاڤکرینە.
هەڤدەم، ئەحمەد سەحاف
پەیڤدارێ وەزارەتا دەرڤەیا عێراقێ ڕاگەهاند، ب رێکا بالیۆزخانەیا عێراقێ ل پۆلەندا
داخاز ژ رێکخراوا خاچا سورا پۆلەندی کریە، د هەوارا کۆچبەرێن عێراقێ بچیت کو لسەر
سنورێ وی وەلاتی و بیلاروسیا ئاسێ ماینە.