PM:03:44:16/10/2021
1452 جار خوێندراوەتەوە
+
-
کۆمسیۆنا بلندا سەربەخۆیا
هەلبژارتنان ڕاگەهاندن، ٩٥%ێ دەنگێن سێ هزار و ٦٨١ بنگەهێن دەنگدانێ ب دەستی
جوداکرینە و دەرکەفتیە دگەل ئەنجامێن ئەلکترۆنی وەکهەڤن.
ئەڤرۆ شەمبی، کۆمسیۆنا بلندا
سەربەخۆیا هەلبژارتنان ڕاگەهاندنەک بەلاڤکر و تێدا ئاماژە ب وێیەکێ کر، هەیا نها
٣٥٦ هزار سکالا گەهشتینە دەستێ وانا و بتنێ دوو سکالایێن وان د رژدن.
ئەوژی دیارکریە، ئەنجامێن
جوداکرن و هژمارکرنا دەستیا دەنگان وەکهەڤە دگەل ئەنجامێن ئەلکترۆنی و ل بن چاڤدێریا
لایەنێن سیاسی پرۆسە بڕێڤەدچیت.
لدویف ڕاگەهاندنا کۆمسیۆنێ،
ئەنجامێن هەر بنگەهەکی بۆ ئەنجامێن دەستپێکی دێ زێدەبن ل دەمێ تەمامبوونێ دا و
هەیا نها ٨٥%ێ سکالایێن وانا بەتالبووینە.
ئەڤە ددەمەکیدایە، رۆژا ئێکشەمبی
١٠ی ١٠ی ٢٠٢١ هەلبژارتنێن بەروەخت بۆ دیارکرنا ئەندامێن خۆلا پێنجێ یا جڤاتا
نوینەرێن عێراقێ بڕێڤەچوون، کو بۆ ئێکەمجاربوو نەتەوەیێن هەڤگرتی چاڤدێریا
هەلبژارتنان بکەن ل عێراقێ.