سەرنووچە:

دەستپاکیێ کوژمێ وی پارەی ئەشکەراکر یێ کو بۆ عێراقێ ڤەگەڕیای

PM:07:33:15/10/2021

1456 جار خوێندراوەتەوە

+ -

دەستەیا دەستپاکیا عێراقێ کوژمێ وی پارەی ئەشکەراکر کو ل ناڤخۆ و دەرڤەی وەلاتی هەیا داویا سالا ٢٠٢٠ێ بۆ حکومەتا فیدڕال ڤەگەڕیاین.

ئەڤرۆ ئەینی، موعتەز عەباس، ڕێڤەبەرێ گشتیێ ڤەگەڕاندنا پارەیێن سەر ب دەستپاکیا عێراقێ بۆ ئاژانسا فەرمیا نووچەیێن عێراقێ ڕاگەهاند، کۆما وان پارەیێن ناڤخۆ و دەرڤەی وەلاتی هاتینە ڤەگەڕاندن نێزیکی ١٧ ملیۆن و ٧٠٠ هزار دۆلاران بوو.

ئاماژە ب وێیەکێ ژی کریە، سازیێ بزاڤکرینە کۆما دوو ملیار و ٢٠٠ ملیۆن دۆلاران بڤەگەڕینیت کو ژ ئالیێ دادگەها وەلاتی فەرمانا ڤەگەڕیانێ بۆهاتیە دەرئێخستن.

دەربارەی وی کوژمێ پارەیێ بلۆک کری و فەرمانا ڤەگەڕیانێ بۆ هاتی بریتیە ژ ئێک ملیار و ٤١٧ ملیۆن و ٩٠٠ هزار و ٨٤٢ دۆلار و ٣٣ ملیۆن و ٥٨٢ هزار و ٧٢٥ یۆرۆ و دوو ملیۆن و ٣٢٩ هزار و ٥٢١ جونەیهێن ئیستەرلینی بەریتانی و ٩٥١ ملیار و ٤٢٨ ملیۆن و ٢٦٣ هزار و ٢٨٦ دینارێن عێراقی و ٧٢٠ هزار و ٥٢٩ دینارێن ئوردنی و سێ هزار و ٦٥٢ فرەنکێن سویسری.

موعتەز عەباس، بەحسا وێیەکێ ژی کر، دەست بسەر ١٤ مولک و پێنج پشکێن کۆمپانیێن جور و جور دا گرتیە.

ڕێڤەبەرێ گشتیێ فەرمانگەها ڤەگەڕاندنا پارەیێن سەر ب دەستەیا دەستپاکیا عێراقێ گوت ژی، کارینە کوژمێ چار ملیۆن و ١٧٠ هزار دۆلاران ژ چەند وەلاتێن دی ژ دەرڤەی عێراقێ بهێنە بلوک کرن و ل ڤان نێزیکان دێ هێنە ڤەگەڕاندن.

ئەڤە ددەمەکیدایە، دەستەیا دەستپاکیا عێراقێ ل دەستپێکا مەها ئەیلولێ ڕاگەهاند، کۆما وی پارەیێ دەست بسەردا هاتیە گرتن و پشکەک ژ وی هاتیە ڤەگەڕاندن بۆ سەر هژمارا بەنکا گەنجینەیا گشتی بریتیبوو ژ ٢٥٣ ملیار و ٥٨٦ ملیۆن و ٢٧٣ هزار و ٢٥٩ دینارێن عێراقی و چار ملیار و ٩٢٠ ملیۆن و ٩٦ هزار و ١٣٧ دۆلاران.

گەلەری