PM:12:10:15/10/2021
800 جار خوێندراوەتەوە
+
-
پشتی تێکچوونا رەوشا لوبنانێ ژبەر ئالۆزیێن دوهی یێن باژارێ بەیروتێ،
سەرۆک وەزیرێن بەیروتێ ئەڤرۆ "ئەینی" وەکو رۆژا ماتەمینیێ ل سەران سەرێ وەلاتی ڕاگەهاندن.
دوهی ئالیگرێن گرۆپێن حزبولا و ئەمەل دژی ڕێکارێن
ڤەکۆلینێن تایبەت ب تەقینا مەزن یا بەندەرێ بەیرۆتێ ل سالا دەربازبووی ڤە،
خۆنیشاندان ئەنجامدان و پشترا ئالۆزی کەفتە
دخونیشاندانێدا.
ئاراستا خۆنیشاندانێ بۆ دەست تێوەردانا سەربازی
و تەقەکرن و ئالۆزیێ دناڤەندا باژێرێ بەیروتا پایتەختدا هاتە گوهۆرین، د ئەنجامدا
شەش کەس هاتنە کوشتن وب کێمی ڤە ٢٣ کەسێن دی برینداربوون.
هەرچەندە یەکەیا کریستیان یا تایبەت کوهێزەکا
سەربازی یا وی وەلاتیە ڕەتدکەت کو ئالیێقەناس بدەستێن وان هیچ وەلاتیەک کوشتبیت یان بریندارکربیت، لێ
خۆنیشاندەر دبێژن، " قەناس ب دەستێن یەکەیا کریستیانان ڕاستەوخۆ تەقە ل خۆنیشاندەران کریە".
ژئالیێ خۆژیڤە، میشێل عەون سەرۆککۆمارێ
لوبنانێ ڕاگەهاند، "ڕێکێ نادەین چ کەسەک وەلاتی وەکو رێکەکێ بکار بئینیت بۆ
بەرژەوەندیێن خۆ".
سالا٢٠٢٠ێ وەکی سالەکا تژی ژ بوویەرێن نامۆ هاتە نیاسین، گەلەک گۆهۆرین بسەر جیهانێ دا هاتن وهندەک بوویەرێن وەسا هاتنە روودان کو جیهان
مەندەهۆش ما، ئێک ژ وان بوویەران ژی تەقینا مەزن یا بەندەرێ بەیروتێ بوو، کوزێدەتر
ژ ٢٠٠ کەسان ژیانا خۆ ژدەستدان و ب هزاران کەسێن دی ژی برینداربوون، زێدەباری وێ ژی
٨ کیلۆمەتران ل چار دەورێن وی جهی وێرانبوو.
سالەک ب سەر بوویەرێدا دەربازبوویە، لێ هیچ
کەسەک ب ئەگەرێ وێ بوویەرێ نەهاتیە سزادان، ،زێدباری وێ کو ئەنجامێ ڤەکۆلینان ژی بتەمامی ئاشکەرا نەکرینە، لێ هندەک ئاخفتن هەنە وبەحسا وێیەکێ دکەن، کو حزبولایا
لوبنانی بەرپرسبیت ژ وێ بوویەرێ، دگەل وێ چەندێ ژی چ بەلگەیەک ل سەرنینە و بفەرمی نەهاتیە تۆمەتبارکرن.