PM:11:28:12/10/2021
1144 جار خوێندراوەتەوە
+
-
کۆچکا سپی ڕاگەهاند، پیرۆزباهیێ
ل حکومەتا عێراقێ دکەین بسەدەمێ سەرکەفتنێ د پرۆسەیا هەلبژارتنان و ئەنجامدانا
هەلبژارتنان ددەمێ خۆدا.
جین ساکی پەیڤدارێ کۆچکا سپی
ڕاگەهاند، هەلبژارتنێن عێراقێ د سەقایەکێ ئارام و ئەرێنی دا بڕێڤەچوون و چاڤەڕێی
ئەنجامێن داویێ دکەن.
جین ساکی ئاماژە ب وێیەکێ ژی کر،
"پشتی پشتراسکرنا ئەنجامان، هیڤیدارم ئەندامێن نوی یێن پەرلەمانێ عێراقێ
حکومەتا نوی پێکبینن نوینەرایەتیا عێراقێ بکەن".
رۆژا ئێکشەمبی، ١٠ تشرینا
ئێکێ ٢٠٢١ێ، دەنگێن گشتی بۆ هەلبژارتنێن خولا پێنجی یێن پەرلەمانێ عێراقێ ل
دەمژمێر ٧ی سپێدێ دەستپێکر و دەمژمێر ٦ی ئێڤاری ب داوی هات.
پشتی تەمامبوونا هەردوو دەنگدانێن (گشتی و تایبەت)،
کۆمسیۆنا بلندا سەربەخۆیا هەلبژارتنێن عێراقێ ڕاگەهاند، کو پرۆسەیا هەلبژارتنان
بسەرکەفتیانە برێڤەچوو و ئەنجامێن هویرکاریێن دەنگدانێ ب دەستی و ئەلیکترۆنی
دەستپێکر و دەنگ هەڤئاوابوون.
ل ١٠ی ١٠ دا هەلبژارتنێن بەروەختێن
پەرلەمانێ عێراقێ بڕێڤەچوون و تێدا نەوەی نوێ وەک هێزەکا کاریگەرا هەرێما
کوردستانێ پشکداری کر، بسەدەمێ هەلویستێن دەربازبووی کو بەردەوام دگەل وەلاتیاندا
بوو و دگەل گەلی بوو و کاری ببیتە جهێ باوەریا پشکەکا زێدە یا وەلاتیان و نەهـ
کورسی بدەستڤە بینیت و ببیتە هێزا دووێ ل هەرێما کوردستانێ.