PM:11:43:11/10/2021
1328 جار خوێندراوەتەوە
+
-
پەیڤدارێ بزاڤا تالیبان ڕاگەهاند، بزاڤێ دەست
ب دانوستاندنێ دگەل روسیا دکەت بۆ وێیەکێ مۆسکۆ دانپێدانێ ب حکومەتا وان بکەت و
بالیۆزخانەیا خۆ ل کابۆل ڤەکەت.
زەبیحولا موجاهید پەیڤدارێ بزاڤا تالیبان
ڕاگەهاند، دێ بزاڤان کەین پەیوەندیان دگەل هەمی وەلاتیێن جیهانێ دروستبکەین
زێدباری هەموویان ژی پەیوەندیێن دپلۆماسی.
ئاماژە ب وێیەکێ ژی کر، بەریا هەر تشتەکێ دێ
دەست ب گۆتۆبێژان دگەل روسیا کەین دەربارەی دانپێدانێ ب حکومەتا وان، ئەو ژی ب
ئارمانجا رێکێن کارێن هەڤبەش د داهاتی دا.
پەیڤدارێ تالیبان ڕاگەهاند ژی، دێ بزاڤان
کەین ل ڤان نێزیکان گەشتێن ئەسمانی بۆ کابۆل دەستپێبکەن، داخازێ ژی ژ خەلکێ وەلاتێ
خۆ دکەن دیڤ یاسایا ئیسلامێ بکەڤن.
رۆژا ١٥ی مەها ئابا ئەڤ سالە، بزاڤا تالیبان،
پشتی کۆنترۆلکرنا زێدەتر ژ ٢٠ مەزنە ویلایەتێن وی وەلاتی، چوونە دناڤ کابۆلا
پایتەختێ وی وەلاتی دا، پشترە ئەشرەف غەنی سەرۆککوارێ وی دەمی یێ ئەفغانستانێ،
وەلات بەرەڤ تاجیکستانێ ب جیهێلا و دنها دا ئەو وەلاتە د دەستێ تالیبان دایە.