PM:02:26:25/09/2021
3024 جار خوێندراوەتەوە
+
-
هژمارەکا زانایێن ئەمریکی و کەنەدی ڤەکۆلینەک دەربارەی رەنگێ
ژناڤچوونا گەلێ لۆتی کریە کو ل دەڤەرا سەدوم و دژیان پشتڕاست دکەن کو نەیزەکەک ب
وی جهی کەفتیە و تەقینەکا مەزن دروستبوویە و ئەو گەلە ژناڤبریە.
میدیایان بەلاڤکریە و ئاماژە ب وێیەکێ کریە، ٢٠ ڤەکۆلەرێن ئەمریکی و
کەنەدی بۆ دەمێ ١٥ سالانە ڤەکۆلینان دەربارەی رەنگێ ژناڤچوونا خەلکێ دەڤەرا
"سەدوم" دکەن و د ئەنجامێن ڤەکۆلینان دا دیار بوویە، بەری ٣٦٠٠ سالان
نەیزەکەک ب لەزاتیەکا زێدە ب وێ دەڤەرێ کەفتیە یا باژێڕێ سەدوم لوی جهی و ب
بەرفرەهیا ٤ کیلۆمترێن دووجا وەک چارگوشەکا ئاگری یا مەزن لێ کریە کو پلەیا گەرمێ
ل وێ دەڤەرێ گەهشتیە ٥٠٠ پلەیێن سیلیزی.
ئەڤە ددەمەکیدایە، خەلکێ ل سەدوم دژیا، ب قەومێ لۆتی دهاتە ناڤکرن و
لۆت برازایێ پێغەمبەر ئیبراهیمی بوو د سوورەتێن هود، ئەعراف، عەنکەبوت، و شوعەرا
یێن قورئانا پیرۆز دا بەحسێ قەومێ لۆتی هاتیە کرن و تێدا هاتیە کو قەومێ لۆتی ب
کەفتنا نەیزەکەکێ ژ ئەسمانی ژناڤ چوویە و ئنجیل ژی ب هەمان رەنگ بەحسێ قەومێ لۆتی
دکەت.