PM:12:02:24/09/2021
2928 جار خوێندراوەتەوە
+
-
پشتی بەلاڤبوونا ڤیدیۆیەکێ ل تۆڕێن جڤاکی کو
بابەکێ عێراقی دەینایە زارۆکێ خۆ و گرێدایە، مستەفا کازمی سەرۆکوەزیرێن عێراقێ ژی
فەرمانا دەستەسەرکرنێ بۆ بابێ وێ دەرخست.
ڤیدیۆیەک د تۆڕێن جڤاکی دا بەلاڤبوویە و
نەرازیبوونا وەلاتیێن عێراقێ و رێکخراوێن مافێ مرۆڤی و زارۆکان لدیڤ خۆ ئینایە،
ئەڤرۆ ئەینیێ، ڕاگەهاندنا نڤیسینگەها سەرۆکوەزیرێن عێراقێ د تویتەرەکێ دا بەلاڤکریە،
"کازمی فەرمان کریە ب گرتنا بەرا رێکارێن یاسای و دەستەسەرکرنا ئەوی وەلاتیی
یێ کو دەرکەتیە تۆندوتیژی لهەمبەر ئێک ژ کورێن خۆ ئەنجامداییە".
کازمی ڕاگەهاندیە ژی، "دڤێت ئالیێن
پەیوەندیدار کورێ وی ل دەڤ خۆ بهێلن و پارێزگاریێ لێ بکەن هەیا کو رێکارێن یاسایی
لهەمبەر بابێ وی ب داوی دهێن".
دوهی پێنجشەمبێ، ڤیدیۆیەک د تۆرێن جڤاکی دا
بەلاڤبوو و تێدا دەردکەت کو هایتە ئێشاندن و خۆین ژ سەروچاڤێت وی دهێتە خارێ و ب
زنجیرێ هاتیە گرێدان.
د وێ دەربارێ دا ئەندامەکێ کۆمسیۆنا مافێن
مرۆڤی بەحسا وێیەکێ کربوو، داخازێ ژ وەزیرێ ناڤخۆکریە ڤەکۆلینێ لسەر بوویەرێ بکەن
و گوت بوو، "زێدەبوونا نەخۆشیێن دەروونی و بەلاڤبوونا ماددەیێن هۆشبەر د
جڤاکی دا و نەبوونا روولێ سازیێن دەولەتێ، ژیانێ ل عێراقێ دکەتە ژیانا
دارستانێ".
بۆ دیتنا ڤیدیۆیێ کلیکێ ل ڤێرە بکە