PM:11:42:23/09/2021
1192 جار خوێندراوەتەوە
+
-
زەلامەکێ هندی کو تۆهمەتبارکربوون لسەر
بزاڤێن دەستدرێژیکرنێ، هاتە سزادان ب وێیەکێ کو جلێن هەمی ژنێن وی گوندی بۆ دەما
شەش مەهان بشووت.
لالان کۆماری ژیێ وی ٢٠ سال دبن و ئەو بخۆ
پاقژکەرە و ماددەیێن دی یێن پێتڤی دابیندکەت بۆ وێیەکێ بێ بەرامبەر جلکا بۆ ژنان
بشووت د دەما شەش مەهاندا ل گوندێ ماجهوری یێ ویلایەتا بیهار هەیا وی دەمێ سزایێ
وی تەمام دبیت، وەکو د نووچەیەکێ رۆپەلا "امارات الیوم" دا هاتیە
بەحسکرن.
ئەفسەرێ پۆلیسێن دەڤەرا مادهوبانی ل ویلایەتا
بهار سانتوش کۆمار سینگ گوتیە، کۆمار کو کارێ وی ئەوە جلکا بشووت بۆ وێیەکێ پارەی
پەیدا بکەت، د مەها ئیپریلدا ب تۆهمەتا بزاڤکرنێ بۆ دەستدرێژیکرنێ سەر ژنەکێ هاتیە
دەستەسەرکرن.
جڤاتا وی گوندی ژی کو ناڤێ وێ نەسیمە خاتۆنە
گوتیە، "هەمی ژنێن گوندی دلخۆشن لسەر ڤێ بڕیارا دادگەهێ، ئەڤە بڕیارەکا
مێژووی یە و رێزا ژنان نوی دکەت".
هەروەسا ژنان د وی گوندی دا دیتنە کو وی سزای
کارتێکرنێن ئەرێنی هەنە و پێنگاڤەکا باشە ژبەرکو د هەمان دەمی دا تاوانبار دهێتە
سزادان و جڤاک ژی مفای ژ وی سزای دبینیت.