PM:02:55:23/09/2021
2088 جار خوێندراوەتەوە
+
-
وەزارەتا داراییا حکومەتا هەرێما
کوردستانێ دەستپێکرنا مووچەیێ مەها ئەیلولێ، ڕاگەهاند.
ئەڤرۆ پێنجشەمبی، وەزارەتا
دارایی و ئابوریا حکومەتا هەرێمێ دەستپێکرنا مووچەی ڕاگەهاند و ئاماژە بوێیەکێ کر،
"رۆژا شەمبی (٢٥ی ئەیلولێ ٢٠٢١)، مووچەیێ مەها ٩ یێ وەزارەتا ساخلەمیێ ب
رێژیا ١٠٠% هێتە پارڤەکرن".
ڕاگەهاندنا وەزارەتا داراییا
حکومەتا هەرێما کوردستانێ ددەمەکیدایە کو حکومەتا عێراقێ بۆ ڤێ مەهێ ژی رازیبوون
لسەر هنارتنا ٢٠٠ ملیاران بۆ هەرێمێ دایە و بەریا نها ژی فارس
عیسا نوینەرێ حکومەتا هەرێما کوردستانێ ل بەغدا بۆ ئێن ئاڕ تی گوت، "دوهی
چارشەمبی جڤاتا وەزیرێن عێراقێ د جفینا خۆدا رازیبوون لسەر رەوانەکرنا ٢٠٠ ملیارێن
دی بۆ هەرێما کوردستانێ دایە".
نوینەرێ
حکومەتا هەرێمێ ل بەغدا ئاماژە ب وێیەکێ ژی کر، "رێکارێن کارگێری بهێنە
تەمامکرن، پارە هەڤئاوایێ دوو مەهێن بەریا نها دێ هێتە هنارتن کو دبیت حەفتیا بهێت
بهێتە هنارتن".
ددەمێ
دەربازبوویدا، هەولێر و بەغدا لهەڤهاتینە لسەر وێیەکێ کو بەغدا مەهانە وەک پێشینە
کوژمێ ٢٠٠ ملیارا دیناران رەوانەی هەرێما کوردستانێ بکەت.
ژ
ئالیێ خۆ، جوتیار عادل پەیڤدارێ حکومەتا هەرێمێ ڕاگەهاند، "چاڤەرێی گەهشتنا
پارەیێ بەغدا دکەین و هەردەمێ پارەیێ بەغدا گەهشت مووچە دێ ب بێ لێبڕین هێتە
پارڤەکرن".
بڕیار
رۆژا ٢٥ی ڤێ مەهێ، پرۆسەیا پارڤەکرنا مووچەیێ فەرمانبەرێن هەرێما کوردستانێ ب بێ
لێبڕین دەستپێکەت.