PM:02:14:23/09/2021
1376 جار خوێندراوەتەوە
+
-
ئەڤرۆ دادگەها ئومێد بەرۆشکی ل
پارێزگەها دهۆکێ بڕێڤەچوو ب ئامادەبوونا وی و چەند ژ کەسوکارێن وی و سالەکا دیا
زیندانێ لسەر هاتە سەپاندن، لسەر بڕێڤەچوونا دوو کەیسان.
پشتی چەند جارێن پاشداخستنا
دادگەها ئومێد بەرۆشکی و بەدەل بەرواری، ئەڤرۆ رووینشتەکا دادگەهێ یا ئومێد
بەرۆشکی ل پارێزگەها دهۆکێ بڕێڤە چوو لسەر ڤەکرنا سێ کەیسان، کو ئێک ژ کەیسان
دیسان هاتە پاشداخستن، لسەر دوو کەیسێن دی کو بۆ هەر کەیسەکێ شەش مەهان هاتە
سزادان و بڤی رەنگی سزایێ سالەکێ لسەر هاتە سەپاندن، کو ئەو دوو کەیسە لسەر خراب
بکارئینانا ئامیرەیێن ئەلکترۆنی بوو.
برایێ ئومێد بەرۆشکی بۆ ئێن ئاڕ
تی ڕاگەهاند، "بۆ دەمێ هەشت رۆژانە ئومێدی گرەڤ ژ خارنێ گرتی".
ئەڤە ددەمەکیدایە، چەندین جاران
دادگەهێ بڕیارا پاشداخستنێ دایە ب پەیداکرنا هندەک بهانەیان، هەڤدەم، حەفت دوسیە
لسەر ئومێد بەرۆشکی هاتینە ڤەکرن کو هەیا نها پێنج ژ وانا ب داوی هاتینە و دوو ماینە
کو بڕیارە ل ١٧ی مەها ١٠ ل دادگەهێ بڕێڤە بچن.