سەرنووچە:

پشکەک ژ کارمەندێن ساخلەمیا دهۆکێ خڕڤەبوون

AM:11:11:22/09/2021

840 جار خوێندراوەتەوە

+ -

پشکەک ژ کارمەنێدن نەخۆشخانەیا تایبەت یا کۆرۆنایێ خڕڤەبوونەک ئەنجامدا و تێدا داخازا مووچەیێ خۆ دکەن.

ئێک ژ خڕڤەبوویان دبێژت، "بۆ دەمێ سالەکێیە مە سینگێ خۆ دایە بەر پەتایا کۆرۆنایێ لێ پێنج مەهن مووچەیێ مە هاتیە ڕاگرتن"، دبێژیت ژی، "گرێبەست ژ ئالیێ وەزارەتا ساخلەمیێ بوویە بۆ دەمێ شەش مەهان و بڕیاربوو هەمی مەهەکێ مووچەیێ مە بهێت".

پشکدارەکێ دی دەربارەی هەلویستێ وان بۆ ئێن ئاڕ تی ڕاگەهاند، "ئەگەر مووچەیێ مە نەهێتە دان دێ بایکوت هێتە کرن".

خڕڤەبوویان ئاماژە ب وێیەکێ ژی کر، کو پێنج مەهن رۆژانە ٨ بۆ ١٢ دەمژمێران دەوام دهێتە کرن ژ ئالیێ وانڤە کو ١١٥ کارمەندن، لێ مووچەیێ وان هاتیە ڕاگرتن.

ئەڤە ددەمەکیدایە، ل ١ی ٥ مەها یا سالا ٢٠٢١ گرێبەستا ١١٥ کارمەندێن ساخلەمیێ هاتیە ئیمزاکرن ژ ئالیێ وەزارەتا ساخلەمیێ ڤە و بڕیاربوو کو بۆ دەمێ شەش مەهان بیت و هەمی مەهەکێ مووچەیێ خۆ وەربگرن لێ بەروڤاژی مووچەیێ وان هاتیە ڕاگرتن.

گەلەری