سەرنووچە:

د جڤینا سەرۆکێ ئەمریکا و سەرۆککۆمارێ عێراقێ بەحسێ چ هاتە کرن؟

AM:09:52:22/09/2021

640 جار خوێندراوەتەوە

+ -

ل سپێدەیا ئەڤرۆ ب دەمێ کوردستانێ جۆ بایدن سەرۆکێ ئەمریکا و بەرهەم سالح سەرۆککۆمارێ عێراقێ جڤیان و تێدا بەحسێ هەلبژارتنێن عێراقێ بابەتەکێ گۆتۆبێژێن دناڤبەرا واندا بوو. سەرۆکێ ئەمریکا تەکەزکریە لسەر پشتەڤانیکرنا پرۆسەیا هەلبژارتنان.

دووهی سێ شەمبی، بەرهەم سالح سەرۆککۆمارێ عێراقێ ب سەرەدانەکێ گەهشتە ئەمریکا و د کڤانێ سەرەدانا خۆدا دگەل جۆ بایدن سەرۆکێ وی وەلاتی جڤیا، د جڤینێ دا بەحسا وێیەکێ هاتە کرن، کو دێ پشتەڤانیا رێکخستنا هەلبژارتنێن عێراقێ کەن ب رەنگەکێ دادپەروەرانە و دوویر ژ سەختەکاریێ.

د ڕاگەهاندنەکێ دا نڤیسینگەها سەرۆککۆمارێ عێراقێ بەلاڤکریە، د وێ جڤینێ دا گۆتۆبێژ هاتە کرن دەربارەی پەیوەندیێن دووقۆلی یێن دناڤبەرا عێراقێ و ئەمریکا و رێکارێن بهێزکرنا پەیوەندییێن جودا د کڤانێ دیالۆگیێن ستراتیجیێن دناڤبەرا هەردوو وەلاتان دا، لسەر بنەمایێ بەرژەوەندیێن هەڤپشک و پشتەڤانێ ل رێکخستنا هەلبژارتنێن عێراقێ برەنگەکێ دادپەروەر و دوویر ژ سەختەکاریێ، هەروەسا تەکەزکر ل گرنگیا ریهـکێشانا تیرۆر و توندڕەویێ ل تەڤیایا دەڤەرێ؛ وەک د ڕاگەهاندنا سەرۆککۆماریدا هاتیە، ئەمریکا دێ پشتەڤانیا عێراقێ بیت ل تەڤایا وی بابەتی دا.

ئەوژی دیارکریە، بەرهەم سالح تەکەزکریە، عێراق ب گرنگی د سەحدکەتە بەرفرهـکرنا پەیوەندییان دگەل ئەمریکا د جور و جور دا، ب تایبەتی ژ روویێ سیاسی و ئەمنی و ئابوری و ژینگەهێ و فەرهەنگێ لسەر بنەمایێ بەرژەوەندیێن هەڤپشک و د کڤانێ لهەڤهاتنا ستراتیژیێن دناڤبەرا هەردوو وەلاتاندا و کار دکەت ب ئاراستەیێ پەیوەندیێن دیپلۆماسیێن هەڤسەنگ بۆ پشتەڤانیکرنێ ل چارەسەکرنا ئاریشەیێن و ب داوی ئینانا ب قەیرانان و کێمرکرنا ئالوزیان، هەڤدەم بەحسێ رۆلێ گرنگێ عێراقێ کر بۆ پەیداکرنا ئاسایش و ئاشتیێ ل دەڤەرێ، هەروەسا بەرهنگاربوونا ئاستەنگێن گۆهڕینا سەقای و پاراستنا ژینگەهێ.

دووهی سێشەمبی، بسەرەدانەکا فەرمی بەرهەم سالح سەرۆککۆمارێ عێراقێ گەهشتە ئەمریکا و ددەمێ جڤینا واندا جڤاتا گشتیا نەتەوێن هەڤگرتی ل نیویۆرک دگەل جۆ بایدن ژی جڤیا.

No description available.

No description available.

گەلەری