PM:08:39:21/09/2021
1668 جار خوێندراوەتەوە
+
-
ئەندامەکێ لژنەیا داراییا
پەرلەمانێ عێراقێ وان نووچەیان رەتدکەت کو بەحس ل هەبوونا پارەیێ زێدە لدەف
حکومەتا دکەن و تەکەزکر لسەر وێیەکێ کو بودجەیێ گشتیێ عێراقێ کورتهێنانا ماددیا
مەزن هەیە ب کوژمێ ٣٠ ترلیۆن دیناران.
عەبدولهادی سەعداوی، ئەندامێ
لژنەیا دارایی ل پەرلەمانێ عێراقێ بۆ ئێن ئاڕ تی ڕاگەهاند، "د نهادا چ
کوژمەکێ پارەیێ زێدە لدەف حکومەتێ نینە و ئەو نووچەیێن دوی دەربارەی دا هاتینە
بەلاڤکرن راست نینن".
گوتژی، "بەروڤاژی د بودجەیێ
گشتیێ عێراقێ دا کورتهێنانەکا مەزن ب کوژمێ ٣٠ ترلیۆن دینار هەیە".
زەلالکر، "هەروەسا حکومەتێ
چەند قەرەک و پێگیربوونا ماددی یێن دی ب کوژمێ ١٤ ترلیۆن دینار هەنە".
تەکەز لسەر وێیەکێ کر، "یەدەگێ
بەنکا ناڤەندی د نهادا نێزیکی ٦٢ ملیار دۆلارنە".
سەعداوی ئاماژە ب وێیەکێ کر،
"وەزارەتا دارایی سیولەیا ماددی نینە و پارەیێ فرۆتنا پەتڕۆلێ بسەر بڕگەیێن
بوودجەیێ گشتی دێ مەزێخیت".
گوتژی، "ئەگەر حکومەت پارەی
لبەر دەستدابیت دکاریت بۆ پرۆژەیێن وەبەرهێنان و دامەزراندن و ژێرخانا ئابوری و
خزمەتگوزاریان ب مەزیخیت".