AM:09:48:21/09/2021
1920 جار خوێندراوەتەوە
+
-
ژێدەرەکێ ژ میدایێن سۆدان ڕاگەهاند، کو سەرێ
سپێدەهیا ئەڤرۆ بزاڤێن ئەنجامدانا کودەتایەکێ د وی وەلاتی دا هەبوو ژبوی گرتنا دەستا
دەستهەلاتێ، لێ شکەستن ئینا.
ژێدەرەکێ ژ حکومەتێ بۆ میدیایێن سۆدان بەحسا وێیەکێ کریە، بزاڤەکا کودەتایێ شکەستن
ئینا و هەیا نها ژی ل دیڤ ئەنجامدەران و کەسێن سەرەکی یێن پشت وێ کودەتایێ دگەرن.
هەڤدەم، زانیاریێن نەفەرمی ئاماژە ب وێیەکێ
دکەن، کو ٤٠ کەس ژ کودەتاچی ژ ئالیێ هێزێن ئەولەکاریا وی وەلاتی ڤە هاتنە
دەستەسەرکرن.
ل گۆرەی زانیاریان چەند ژێدەران ژی بۆ
ئاژانسا رۆیتەرز، "دەستپێکێ خواستنە کودەتایێ ب رێکا دەستگرتن بسەر ڕادیۆیا
فەرمی یا سۆدانێ دا و ل دەڤەرا ئۆمدورمان ل نێزیک روویبارێ نیل ل نێزیک خەرتوما
پایتەختێ وی وەلاتی ئەنجامبدەن، لێ شکەستن ئینا".
ژ ئالیێ خۆڤە ژی، محەمەد فەکی ئەندامێ جڤاتا
سەرکردایەتیا سەربەخۆیا سۆدانێ ل پێگەهێ خۆ یێ فەرمی ل فەیسبووکی داخاز ژ سۆدانیان
کریە، "بچن سەر جاددا و بەرەڤانیێ ژ وەلاتی بکەن و حکومەتا وەلاتی ب
پارێزن".