سەرنووچە:

مەلبەندێ چار یێ ئێکەتیێ ل دهوکێ پەیامەکێ دەربارەی حکومکرنا مەلا نەزیری بەلاڤکر

PM:10:07:19/09/2021

1944 جار خوێندراوەتەوە

+ -

ئەڤرۆ ئێکشەمبی، شڤان مەلا نەزیر بەرواری بۆ ئێن ئاڕ تی ڕاگەهاند، مەلا نەزیر ل دادگەها کەتنا دهۆکێ هاتە دادگەهکرن و ب سزایێ حەفت سالێن زیندانکرنێ هاتە سزادان.

هەڤدەم، پارێزەرێن مەلا نەزیری ژی دبێژن، وان تێبینیا ڤێ بڕیارێ ژ دادگەهێ نەدکر و ئەو چاڤەرێ سزایەکێ گەلەک سڤکبوون، گوت ژی، ئەو دێ تانێ ل بڕیارێ دەن.

پشتی حەفت مەهێن دەستەسەرکرنێ مەلا نەزیر بەرواری ل دادگەها دهۆکێ ب حەفت سالێن زیندانکرنێ هاتە سزادان.

دەقێ پەیاما مەڵبەندێ چار یێ ئێکەتیێ ل دهوکێ:

دڤێ ڕەوش و قۆناغا تایبەت و هەستیاردا، کو کەیسێ زیندانیێن بادینان کارڤەدانەکا جیهانی لپەی خۆ ئینایە و ناڤودەنگێن هەرێما کوردستانێ و دەستهەڵاتا زوونا زەر دبوارێن مافی مرۆڤ و ئازادیێن ڕادەربڕین و ڕۆژنامەڤانیدا لسەر ئاستێن نێڤدەولەتی لەکدار کرینە و ئێخستینە بەر گۆمانێ، خەلک یێ چاڤەرێ بوو دادگە و دەستهەڵاتا ڤێ دەڤەرێ پێداچوونەکێ د ڤی کەیسیدا بکەت و زیندانی و بەندکریێن بادینان ئازاد بکەت، بەروڤاژی وێ چەندێ ئەڤرۆ ڕۆژا ئێکشەمبی ڕێکەفتی 2021/9/19 بڕیارا سزادانا مەلا نەزیر بەرواری، کادرێ ئێکەتی نیشتمانی کوردستان ب حەفت ساڵێن زیندانێ ژلایێ دادگەها دهوک ڤە دەرچوو.

ل وێ دەمێ ئەم ڤێ بڕیارا دادگەهێ ب بڕیارەکا نە ڕاست و دوور ژ بنەمایێن یاسا و دادپەروەریێ دزانین، دهەمان دەمدا ئەم و گشت خەلکێ بادینان و کوردستانێ دزانین، دەزگەهێن ئەمنیێن تایبەت ب ئەشکەنجە و هەموو جورێن فشارێن دەرونی و جەستەیی دانپێدان ژ مەلا نەزیر و زیندانیێن بادینان وەرگرتینە.

بەشەکێ دادگەهێن هەرێمێ ل زوونا زەر یێن بووینە داردەست و جێبەجێکارێن دەستهەڵاتەکا تاک ڕەو و خۆسەپینەر، ئەڤ ڕەفتار و کریارە دگەل پڕنسیپێن مافێن مرۆڤ و مافێن گشتێ ناگونجن و دێ کاری بۆ وێ چەندێ کەین ئەڤ بێ دادی و ستەمە ل بادینان بدووماهی بهێت.

ئازادی بۆ مەلا نەزیر بەرواری و سەرجەم زیندانیێن بێ گونەهێن بادینان.

ئێکەتی نیشتمانی کوردستان

مەڵبەندێ چوارێ دهوک

گەلەری