PM:11:01:03/06/2023
704 جار خوێندراوەتەوە
+
-
ل دیڤ لهەهاتنەکا نووی دگەل ئیرانێ، یەکێتی و
پارتی رازیبوون لسەر دائێخستنا بارگەهێن حزبێن رۆژهەلاتا کوردستانێ ل هەرێما
کوردستانێ.
ل دیڤ زانیاریان ئیرانێ ب رێکا قاسم ئەعرەجی،
شێورمەندێ ئاسایشا نشتیمانیا عێراقێ، یەکێتی و پارتی ئاگەهدارکرینە کو بارگەهێن
وان حزبان دابئێخن و چەکی ژ وان وەربگرن و هەمیان ل ئێک کەمپ کۆمبکەن ل سنورێن
هەولێر و سلێمانیێ، ل ژێر چاڤدێریا نەتەوەیێن هەڤگرتی دا.
پێشنیار ژی هاتیەکرن، سێ کەمپ بهێنە
دروستکرن، ئێک ل سلێمانیێ و دوو یێن دی ژی ل هەولێرێ.
ل هەمبەر وێیەکێ ژی، هەردوو ئالی رازیبوونە
لسەر پێشنیارا ئیرانێ، بژاردەیا دووێ ژی ئەو بوویە کو ئەو هێزێن کوردی بهێنە
ڕەوانەکرن بۆ دەرڤەی وەلاتی و ل مەمپەکێ بهێنە جێگرکرن.
قاسم ئەعرەجی، شێورمەندێ ئاسایشا نشتیمانی یا
عێراقێ، بەریا سەرەدانا خۆ بۆ ئیرانێ سەرەدانا هەرێما کوردستانێ کریە و داوی
بوچوون و بەرهەڤیا دوو حزبێن دەستهەلاتا هەرێمێ وەرگرتیە و حەفتیا دەربازبووی ژی
گەهاندیە بەرپرسێن ئیرانێ.
ل دیڤ لهەڤهاتنا دناڤبەرا عێراق و ئیرانێ دا
بناڤێ کۆنۆسا ئەولەهیێ، کو تایبەتە ب ئاسایشا سنوری یا دناڤبەرا هەردوو وەلاتان
دا، دڤێت بارگەهێن حزبێن رۆژهەلات ژی بهێنە دائێخستن.
هەڤدەم، هەر ئێک ژ شەند بەرپرسێن ئەولەهیێ
یێن یەکێتی و رێبەر ئەحمەد وەزیرێ ناڤخۆ و نوینەرێ پارتی لسەر لهەڤهاتنا ئەولەهیێ
دگەل ئیرانێ و چەند جاران ب نهێنی دگەل بەرپرسێن ئیرانێ ل وی وەلاتی جڤیانە.
ل دیڤ زانیاریان، ئیران دخوازیت ب ئێک پاکێج
لهەڤهاتنا ئاسایشا سنوری دگەل عێراقێ جێبەجێ بکەت و ل هەمبەر وێیەکێ ژی سۆزا
ڕاگرتنا تۆپباران و بۆمبەبارانا دەڤەرێن هەرێما کوردستانێ ب بەرپرسێن بلندێن
عێراقێ دایە.