ئەڤرۆ شەمبی، وەزارەتا
ساخلەمیا حکومەتا رێڤەبرنا کارێن هەرێمێ ڕاگەهاند، بۆ رێگریکرن ژ نەخۆشیا "تایا
خوینبەربوونێ"کۆمەکا رێنماییان بەرچاڤکرینە کو تایبەتن ب وەلاتیان و گۆشت فرۆشان.
لدیڤ رێنماییان، دڤێت
ئاژەل ل سەربڕخانەیێن رێک پێدای بهێنە ڤەکوشتن و سەربڕینا ئاژەلان د مالاندا ب هەمی
ئاوایەکی قەدەغەیە.
داخازژی ل وەلاتیان
کریە، ل جهێن رێک پێدای گۆشتی بکڕن و ل دەمێ پارچەکرنا گۆشتی دەستکێش ددەستێن وان
دابن.
وەزارەتا ساخلەمیێ
ئاماژە ب وێ ژی کریە، دڤێت قەساب ب رێکارێن خۆپارێزی و پاقژیا کەرەستەیان پابەندبن.
ئەڤە ددەمەکێدایە، ل رۆژا
١ێ حوزەیرانێ سامان بەرزنجی وەزیرێ ساخلەمیا حکومەتا رێڤەبرنا کارێن هەرێما کوردستانێ
راگەهاند، دوو حالەتێن ژیان ژ دەستدانێ ب نەخۆشیا تایا خوینبەربوونێ ل پارێزگەها هەولێرێ
تۆمارکرینە کو هەردوو قەسابن و دگەل ئاژەلان بەرئێککەفتن هەبوویە.
نەخۆشیا تایا خوینبەربوونێ
نەخۆشییەکە ژ ئاژەلان دهێتەڤەگوهاستن بۆ مرۆڤان و نیشانەیێن وێ د ئاژەلاندا دەرناکەڤن
لێ دبیتە سەدەمێ مەترسیێ بۆ مرۆڤی و هندەک دەمان دگەهتە رادەیێ مرنێ.