سەرنووچە:

بۆچی کازمی دێ سەرەدانا ئەمریکا کەت؟

PM:02:33:18/07/2021

1044 جار خوێندراوەتەوە

+ -

شێورمەندەکێ سەرۆکوەزیرێن عێراقێ، ئارمانجا سەرەدانا کازمی بۆ ئەمریکا ئاشکرا دکەت و دبێژیت، کازمی کار دکەت بۆ ڤەگۆهاستنا پەیوەندیان دگەل واشنتن بۆ کەڤانەکێ ئابووری.


حسێن عەلاوی شێورمەندێ مستەفا کازمی سەرۆکوەزیرێن عێراقێ ڕاگەهاند، "سەرەدانا نەچاڤەرێکریا مستەفا کازمی بۆ ئەمریکا گەلەک گرنگە و بەشەکە ژ کەڤانێ دیالۆگا ستراتیژیا عێراق-ئەمریکا د ناڤبەرا هەڤپەیمانیا نیڤدەولەتی دا".


ئاماژە ب وێیەکێ ژی کر، بەردەوامی دان ب شەری داعش ب هەڤبەشیا هەوالگری و پرۆگرامێ ئامادەکاری و رێکخستن و ڕاهێنانا هیزێن چەکداریێن عێراقێ دبیت.

 

حسێن عەلاوی دبێژیت ژی، ئەمریکا گرنگیا عێراقێ دزانیت د ستراتیژیێن رۆژهەلاتا ناڤەراست دا و شیانێن سەرکردەیێن عێراقێ و بەرهەنگاربوونا قەیرانان و چوون بەرەڤ هەلبژارتنێن ئازاد ب گرنگ دزانیت.

 

رۆژا شەمبیێ، کۆچکا سپی بەلاڤکر، ٢٦ی تەمموزێ جۆ بایدن ل کۆچکا سپی دێ پیشوازیێ ل مستەفا کازمی سەرۆکوەزیرێن عێراقێ کەت و بەحس ل گۆتۆبێژێن سترتیژی دناڤبەرا ئەمریکا و عێراقێ و بیاڤێن رەوشەنبیری وساخلەمی و وزە و روبروبوونێ دژی داعش ژی کەتن.

گەلەری