AM:11:48:18/07/2021
1228 جار خوێندراوەتەوە
+
-
سەقاناسیا عێراقێ ڕاگەهاند، پلەیێن گەرمێ ل
دەڤەرێن باشور و هەرێما کوردستانێ د بلندبوونێ دانە و ب ئاوایەکێ بەرچاڤ نە ئاسای
بلندبن.
نائیل وائلی سەقاناسێ عێراقێ ڕاگەهاند، ل
گۆرەی نەخشەیێن سەقای، رێژا هەلمێ ل دەڤەرێن باشورێ عێراقێ و بتایبەتی ل
پارێزگەهێن بەسرە و میسان و زیقار و واست
د دەمێن سپێدەهیێ دا دێ دەگنە ٩٠%ێ.
بەحسا وێیەکێ ژی کریە، بلندبوونا وێ رێژەیا
هەلمێ ژی هەیا ئێڤاریا رۆژا پێنجشەمبیا داهاتی دێ بەردەوام بیت و بتایبەتی ل دەمێن
سپێدەهیان.
وائلی گوت ژی، پلەیێن گەرمێ دێ بلندبن و
بتایبەتی ل دەڤەرێن باشور، ل رۆژێن سێشەمبێ و چارشەمبێ ل دەڤەرێن باکور و هەرێما
کوردستانێ ژی پلەیێن گەرمێ دێ دناڤبەرا ٤٢ بۆ ٤٨ پلەیاندا بن.
لێ ل دەڤەرێن ناڤەڕاستا عێراقێ، پلەیێن گەرمێ
دێ دناڤبەرا ٤٩ بۆ ٥٠ پلەیاندا بن و ل باکور ژی دێ ناڤبەرا ٥٠ بۆ ٥١ پلەیێن سیلیزی
دابیت و ل دەڤەرێن چیای ژی دێ ٣٠ پلە بیت.
ئەڤە د دەمەکی دایە، دوهی رێڤەبەریا گشتییا
سەقاناسی و عەرد هەژا هەرێمێ ڕاگەهاند، " رۆژا دووشەمبێ کاریگەریا نزمیا هێزا
هەوایێ سالانە ل هەرێما کوردستانێ زێدەتر دبیت، کو دبیتە سەدەمێ بلندبوونا زێدەتر
یا پلەیا گەرماتیێ".
لگۆرەی راگەهاندنا سەقاناسیێ، ل رۆژا سێشەمبێ
و چارشەمبێ ئێکەم رۆژا جەژنا قوربانێ پلەیێن گەرماتیێ دێ گەهنە بلنترین پلە،
ئێڤاریا رۆژا چارشەمبێ لەزاتیا بای دێ چالاکبیت وئەگەر هەنە توزەکا سڤک ژی هەبیت.
هەڤدەم، ل گۆرەی پێشبینێن سەقاناسیێ پلەیا
گەرمێ ل سەنتەرێ باژارێ دهۆکێ دێ دناڤبەرا ٤٤ بۆ ٤٦ پلەیاندا بیت.