کۆنفرانسی رۆژنامەنوسی زیدان پێش یارییەکەى بەلەد وەلید

کۆنفرانسی رۆژنامەنوسی زیدان پێش یارییەکەى بەلەد وەلید
2020-01-25

7575 جار خوێندراوەتەوە

+ -

زیدانی راهێنەر دڵخۆشە لە ریاڵ مەدرید و ئامانجیشی ئەوەیە لە سەرکەوتن بەردەوام بن و یارییەکەى بەلەد وەلیدیش بە قورس دەزانێت.

پێش روبەروبونەوەى یانەى بەلەد وەلید لەخولی ئیسپانیا زیدانی راهێنەری ریاڵ مەدرید بەشداری کۆنفرانسێکی رۆژنامەنوسی کرد.

زیدان دوپاتیکردەوە کە ئەوان ئامادەن بۆ روبەروبونەوەى بەلەد وەلید و یارییەکەش بە زەحمەت دەبینێت.

وتیشی: لە ئێستادا بە بارودۆخێکی باشدا تێدەپەرین و ئامانجیشمان ئەوەیە لەسەر بردنەوە بەردەوام بین.

تەئکیدی کردەوە کە لە ریاڵ مەدرید دڵخۆشەو تەرکیزی لەسەر کارەکەیەتی.

ئاماژەى بەوەشدا کە ئەو ئێستا لە روی کاری راهێنەرایەتیەوە پێشکەوتوەو دەیەوێت لە روی تەکتیکیەوە پەرە بەخۆی بدات.

 

بەشێک لە قسەکانی زیدان

زیدان: ئامادەین بۆ روبەروبونەوەى بەلەد وەلید

 

زیدان: بە بارودۆخێکی باشدا دەرۆین و دەمانەوێت بەردەوام بین لەسەر ئەنجامە باشەکان

 

زیدان: بەلەد وەلید یانەیەکی بەهێزە لە یاریگاى خۆیدا و تەنها یەک یاریی لە یاریگاى خۆی دۆڕاوە

 

زیدان: دڵتەنگین کە گاریس بەیل پێکانی هەیە و خۆشی پێی ناخۆشە کە دورکەوتۆتەوە

 

زیدان: هەمیشە پشت بەو یاریزانانە دەبەستم کە لە یاریگادا دەجەنگن بۆ بردنەوە

 

زیدان: سەرسام نیم بەو ئاستەى کاسمیرۆ پێشکەشی دەکات

 

زیدان: قسەم لەگەڵ ئۆدریزۆلا کرد و پێمان باش بوو کە یاریکردنی باشترە وەک ئەوەى لەسەر کورسی یەدەگ بێت

 

زیدان: پێویستە بە وریایی مامەڵە لەگەڵ ڤینیسیۆس بکرێت ئەو هێشتا 19 ساڵە ، دەبێت خواستی هەبێت بۆ بردنەوە

 

زیدان: من لە ریاڵ مەدریدم و دڵخۆشم ، تەرکیزیشم لەسەر یارییەکەى بەلەد وەلیدە

 

زیدان: ئەوەى بەلامەوە گرنگە ئەوەیە کە رۆژانە وەک راهێنەر بەرەو پێش دەچم، کارەکەمم خۆش دەوێت و دەمەوێت لە روی تەکتیکەوە پەرە بەخۆم بدەم

 

زیدان: ناتوانم کاتی گەڕانەوەى هازارد بڵێم، بەم دوایە دەستی کردۆتەوە بە یاریکردن بە تۆپ، هەوڵ دەدەین بە تەدریجی بیگەرێنینەوە بۆ یاریکردن