کۆنفرانسی رۆژنامەنوسی زیدان پێش یارییەکەى ریاڵ سۆسیداد

کۆنفرانسی رۆژنامەنوسی زیدان پێش یارییەکەى ریاڵ سۆسیداد
2019-11-22

6269 جار خوێندراوەتەوە

+ -

راهێنەری ریاڵ مەدرید ئامادەیی تیپەکەى بۆ روبەروبونەوەى ریاڵ سۆسیداد پیشانداو تەئکیدیشی کردەوە کە لە ئیسپانیا جگە لە ریاڵ مەدرید راهێنەری هیچ یانەیەکی تر نابێت.

پێش روبەروبونەوەى ریاڵ سۆسیداد زیدانی راهێنەری ریاڵ مەدرید بەشداری کۆنفرانسێکی رۆژنامەنوسی کرد.

زیدان دوپاتیکردەوە کە زیاد لە پێویست قسە لەسەر بابەتەکەى گاریس بەیل کراوەو ئەو بە یاریزانێکی گرنگی یانەکەى وەسف کرد.

وتیشی : سەرەراى ئەوەى ریاڵ سۆسیداد ئەمساڵ زۆر بەهێز دەردەکەون بەڵام ئەوان ئامادەن بۆ ئەو یارییە.

تەئکیدیشی کردەوە کە ئەو جگە لە ریاڵ مەدرید هەرگیز راهێنەرایەتی هیچ یانەیەکی تری ئیسپانی ناکات.

ئاماژەى بەوەشدا کە ئەو هەمیشە خۆی بە قەرزاری پیرێزی سەرۆک دەزانێت چونکە نزیکەى 17 بۆ 18 ساڵی لە ریاڵ مەدرید بەهۆی ئەوەوە بەسەر بردوە.

 

بەشێک لە قسەکانی زیدان لە کۆنفرانسە رۆژنامەنوسییەکەدا

زیدان: ئێمە ئامادەین بۆ یاریەکەى ریاڵ سۆسیداد

 

زیدان: پێموایە زیاد لە پێویست قسە لەسەر بابەتەکەى گاریس بەیل کرا، گرنگترین شت تەرکیز کردنە سەر تۆپی پێیە

 

زیدان: لەدەرەوە تەعلیق زۆر دەدرێت، من گرنگی بەوشتانە نادەم

 

زیدان: گاریس بەیل بەشێوەیەکی سروشتی راهێنانی کردوە لەگەڵماندا

 

زیدان: پێویستە سەیری ئەوە بکەن کە گاریس بەیل پێشکەشی ریاڵ مەدریدی کردوە، بەیل یەکێکە لە یاریزانە گرنگەکانی ئێمە.

 

زیدان: پیرێز منی هێناوە بۆ ئێرە، 17 بۆ 18 ساڵم لێرە بەسەر بردوە، هەمیشە سوپاسی پێرێز ئەکەم

 

زیدان: نابمە هیچ راهێنەرێکی تر لە ئیسپانیا جگە لە ریاڵ مەدرید، من لەگەڵ درێسە سپییەکەى ریاڵ مەدریدم

 

زیدان: لە ژوری خۆگۆرین هەست دەکەم بەیل ئاساییە ، بە دڵخۆشی دەیبینم.

 

زیدان: من هیچ بەرپرسیار نیم قسە لەسەر ئەو لافیتەیە بکەم کە بەیل بەرزی کردبوەوە، هەموو کەسێک سەربەستە لەوەى دەری دەبرێت.

 

زیدان: یارییەکەى پاریس سانجێرمان هیچ کاریگەری لەسەر یارییەکەى سۆسیداد دروست ناکات

 

زیدان: سۆسیداد هەمیشە یانەیەکی بەهێز بون و ئەمساڵ بەهێزتریشن

 

زیدان: بەیل وتی لە وێڵز زیاتر دڵخۆشم وەک لە ریاڵ مەدرید ئەویش بەهۆی زمانەکەیانەوە و هیچی تر

 

زیدان: هەرگیز بونی مۆرینیۆ فشار نەبوە لەسەرم و لەسەر خۆ بوم