سەردێڕ:

دۆناڵد تره‌مپ: لە مانگى داهاتوودا ڕێکخراوی داعش لەناودەبرێت

فۆتۆ: 
2018-12-12

1295 جار خوێندراوەتەوە

سەرۆکی ئەمریکا ڕایگەیاند لە ماوەی ٣٠ رۆژی داهاتوودا هیچ چەکدارێکی ڕێکخراوی داعش نامێنێت.

دۆناڵد تره‌مپ له‌ میانی به‌شداریكردن له‌ رێوڕه‌سمی واژۆكردنی پڕۆژه‌ یاسای پاراستنی كه‌مینه‌كان له‌ عێراق و سوریا كه‌ له‌ كۆشكی سپی به‌ڕێوه‌چوو، له‌ باره‌ی به‌ره‌نگاربوونه‌وه‌ی داعش وتەیەکى پێشکەشکرد.

دۆناڵد تره‌مپ  ئاماژەی بەوەکرد وڵاته‌كه‌ی به‌ شێوه‌یه‌كی زۆر سه‌ركه‌وتوو به‌ره‌نگاری ڕێکخراوی داعش بووه‌ته‌وه‌ و ڕایگه‌یاند  له‌ دژی داعش كاری زۆر گه‌وره‌یان ئه‌نجامداو چەکدارانی  داعش ژماره‌یان زۆر كه‌مبووەته‌وه‌ و له‌ ٣٠ رۆژی داهاتوودا هیچ ئه‌ندامێكی داعش نامێنێت.

ڕاشیگەیاندووە، وڵاته‌كه‌ی به‌رده‌وام ده‌بێت له‌ پشتگیریكردنی كه‌مینه‌ ئایینی و نه‌ته‌وەكان كه‌ داعش زیانی پێگه‌یاندوون و له‌ به‌رچاوی كامێراكانیش واژووی له‌سه‌ر پڕۆژه‌یاساكه‌ كرد.

ب.م