سەردێڕ:

لە رۆژی قوربانیانی هاتوچۆدا چەند چالاکییەک لە سلێمانی ئەنجام دەدرێت

کۆتایی بە هەڵمەتى یەک مانگەى هۆشیاری هاتوچۆ دێت
رۆژی قوربانیانی هاتوچۆدا
فۆتۆ: 
2018-11-18

1091 جار خوێندراوەتەوە

دیجیتاڵ میدیای ئێن ئاڕ تی ، سلێمانی ، شاڵاو عەلی 

ئەمڕۆ رۆژی جیهانی قوربانیانی هاتوچۆیە و بەڕێوەبەرایەتى هاتوچۆی سلێمانیش لە دیدارێکدا چەند چالاکییەکى  جۆراو جۆر ئەنجامدەدات.

فەرەیدون عومەر ئەحمەد بەرێوەبەری گشتى هاتوچۆی سلێمانی بە ئێن ئاڕ تی  ڕاگەیاند، لەمەودا چالاکانەتر لێپێچینەوە لە سەرپێچییەکانی هاتوچۆ دەکەن و  هەوڵدەدەن لە ڕێگەى ڕێنمایی و سزاکانەوە بتوانن ڕێژەى ڕووداوەکانى هاتوچۆ کەمکەنەوە.

فەرەیدون عومەر وتیشی "داوامان وایە بەشێک لە داهاتی سزاکانى هاتوچۆ بۆ چاکترکردنى شەقامەکان خەرجبکرێت".

بەڕێوەبەری گشتى هاتوچۆی سلێمانی ڕاشیگەیاند، شۆفێران دوورکەونەوە لە سەرپێچیکردن و یاساکانى هاتوچۆ  جێبەجێبکەن و بۆ ئەوەى خۆیان و هاوڵاتیانیش دووربن لە ڕووداوی نەخوازراو.