سەردێڕ:

لە حاڵەتێکى دەگمەندا کەڵەشێرێک پێنج جوچک بەخێودەکات

فۆتۆ: ئێن ئاڕ تی
2018-11-18

3366 جار خوێندراوەتەوە

ئه‌گه‌ر هه‌ندێك له‌ كه‌ڵه‌شێره‌كان ئەم کارانە بکەن، له‌مه‌دوا مه‌گه‌ر مریشك تەنها بۆ گۆشته‌كه‌ى به‌خێو بكرێت، چونکە كه‌ڵه‌شێرێ خه‌ریكى هێلكه‌ كردنه‌ و دانه‌یه‌كى تریش له‌سه‌ر هێلكه‌ كڕكه‌وتووه‌، ئێستاش كه‌ڵه‌شێرێكى تازه‌ مۆدێل له‌ گوندێكى ترى هه‌ڵه‌بجه‌ سه‌رى هه‌ڵداوه‌.

ئه‌م كوڕه‌ خاوه‌نى كه‌ڵه‌شێره‌كه‌ و پێنج جوچكى بچکۆلانەیە کە دایکیان لەژیاندا نەماوە، هه‌موو به‌یانیه‌ك دانیان بۆ ده‌بات و دواتر به‌ریان ده‌داته‌ ناو باخچه‌كه‌، به‌زمى ئه‌م كه‌ڵه‌شێره‌ به‌خێوكردنى ئەو جوچکانەیە کە هەم بووەتە باوک و هەم بووەتە دایک بۆیان.

 کەڵەشێرەکە هه‌رچه‌نده‌ شان و شه‌وكه‌تى له‌ نێرى ناو نێران ده‌چێ، به‌ڵام به‌گوێ و چاوى خۆمان بیستمان و بینمان ئه‌م كه‌ڵه‌شێره‌ یه‌ك قرته‌ قرتێكى بۆ ئه‌م جوچكانه‌ ده‌كرد، مه‌گه‌ر مریشكه‌ خانومانه‌كان هاوشێوه‌ى ئه‌م قرته‌ قرته‌یان بۆ جوچكه‌كانى خۆیان بكردایه‌.

به‌رهه‌م له‌به‌رامبه‌ر وه‌فاى ئه‌م كه‌ڵه‌شێره‌ بۆ مریشك و جوچكه‌كانى بڕیارى داوه‌ تا ئه‌م جوچكانه‌ گه‌وره‌ نه‌بن، هیچ په‌له‌وەرێكى تر به‌خێو نه‌كات.