سەردێڕ:

کۆنفرانسی "ئاشتی لەرێی میانڕەوی"یەوە بەڕێوەدەچێت

فۆتۆ: 
2018-11-13

566 جار خوێندراوەتەوە

سبەینێ چوارشەممە (١٣ی تشرینی دووەمی ٢٠١٨)، کۆنفرانسێک بۆ بەرەنگاربوونەوەی توندڕەوی لەلایەن رێکخراوی سپارکی هۆڵەندییەوە بەڕێوەدەچێت.

رێکخراوەکە لە راگەیەندراوێکدا باسلەوەدەکات، کۆنفرانسەکە نێودەوڵەتییە و لەژێر ناونیشانی "ئاشتی لەڕێگەی میانڕەوی"یەوە لە هۆتێل رۆتانا لە شاری هەولێر بەڕێوەدەچێت.

باسی لەوەشکردووە، لە کۆنفرانسەکەدا وەزیرەكانی حكومەتی هەرێمی كوردستان، كونسوڵی گشتی وڵاتان، شارەزایانی ناوخۆ و دەرەوە، نوێنەری حزبە سیاسیەكانی جیهان و ئەكادیمییەكان بەشداردەبن.

هاوکات رێکخراوەکە ناونیشانی ئیمەیڵێکی بۆ ئەو کەسانەی ئارەوزوی بەشداریکردنیان هەیە داناوە کە بریتییە لە: [email protected]

رێکخراوی سپارک رێکخراوێکی ناحکومییە و کار بۆ سەرخستن و پێشخستنی ئەو کۆمەڵگانە دەکات کە کاریگەری جەنگیان لەسەرە.