سەردێڕ:

سلێمانى.. حاڵەتێکی نوێی توشبوون بە کۆرۆنا تۆمارکرا

فۆتۆ: 
2020-03-26

18920 جار خوێندراوەتەوە

وەزارەتی تەندروستیی هەرێم رایگەیاند، حاڵەتێکی نوێی توشبوون بە کۆرۆنا لە شاری سلێمانی تۆمارکراوە، بەوەش ژمارەی توشبوون لە هەرێم گەیشتە ١٠٤ حاڵەت.

ئەمڕۆ چوارشەممە، وەزارەتی تەندروستیی هەرێم بڵاویکردەوە، "لە بەردەوامی پشکنینەکان و گەڕان بەدوای گومانلێکراوان، حاڵەتێکی نوێی تووشبووی ڤایرۆسی کۆرۆنای نوێ COVID-19 لە شاری سلێمانی دەستنیشانکرا."

روونیشیکردووەتەوە، "توشبووە نوێیەکە ئافرەتێکی تەمەن ٥٦ ساڵە و خێزانی توشبوویەکی پێشووە".

بەپێی ئامارەکانی تەندروستیی هەرێم، تاوەکو ئێستا ٦٩ حاڵەتی توشبوون لە پارێزگای سلێمانی تۆمارکراون و لەو ژمارەیەش ٣٩ کەسیان بەتەواوی چاکبوونەوەتەوە.

بەپێی ئامارەکانی وەزارەتی تەندروستیی، تا ئێستا ١٠٤ حاڵەتی توشبوون بە ڤایرۆسی کۆرۆنا لە هەرێمدا تۆمارکراوە بەجۆرێک ٦٩ توشبوو لە سنوری پارێزگای سلێمانی و ٣٣ توشبوو لە پارێزگای هەولێر و دوو توشبووش لە دهۆک، لەو ژمارەیەش دوو حاڵەتی گیان لەدەستدان و ٣٩ حاڵەتی چاکبوونەوەش تۆمارکراوە.

هـ.ئـ


‌بەپەلە