سەردێڕ:

دەربەندیخان.. حاڵەتێکی نوێی توشبوون بە کۆرۆنا تۆمارکرا

ژمارەی توشبوون گەیشتە ١٠٠ حاڵەت
فۆتۆ: 
2020-03-26

10750 جار خوێندراوەتەوە

وەزارەتی تەندروستیی هەرێم رایگەیاند، حاڵەتێکی نوێی توشبوون بە کۆرۆنا لە قەزاى دەربەندیخانی سنوری پارێزگای سلێمانی تۆمارکراوە، بەوەش ژمارەی توشبوون لە هەرێم گەیشتە ١٠٠ حاڵەت.

ئەمڕۆ چوارشەممە، وەزارەتی تەندروستیی هەرێم بڵاویکردەوە، "لە بەردەوامی پشکنینەکان و گەڕان بەدوای گومانلێکراوان، حاڵەتێکی نوێی تووشبووی ڤایرۆسی کۆرۆنای نوێ COVID-19 لە قەزای دەربەندیخانی پارێزگای سلێمانی دەستنیشانکرا."

روونیشیکردووەتەوە، "توشبووە نوێیەکە پیاوێکی تەمەن ٣٠ ساڵە و دانیشتووی قەزای دەربەندیخانە."

بەپێی ئامارەکانی تەندروستیی هەرێم، تاوەکو ئێستا ٦٨ حاڵەتی توشبوون لە پارێزگای سلێمانی تۆمارکراون و لەو ژمارەیەش ٢٧ کەسیان بەتەواوی چاکبوونەوەتەوە.

بەپێی ئامارەکانی وەزارەتی تەندروستیی، تا ئێستا ١٠٠ حاڵەتی توشبوون بە ڤایرۆسی کۆرۆنا لە هەرێمدا تۆمارکراوە بەجۆرێک ٦٨ توشبوو لە سنوری پارێزگای سلێمانی و ٣٠ توشبوو لە پارێزگای هەولێر و دوو توشبووش لە دهۆک، لەو ژمارەیەش دوو حاڵەتی گیان لەدەستدان و ٢٧ حاڵەتی چاکبوونەوەش تۆمارکراوە.

هـ.ئـ