سەردێڕ:

عێراق.. ١٤ توشبووی دیکەی کۆرۆنا تۆمارکرا

فۆتۆ: 
2020-03-21

13867 جار خوێندراوەتەوە

وەزارەتی تەندروستی عێراق ڕایگەیاند، لە ماوەی ٢٤ کاتژمێری ڕابردوودا ١٤ توشبووی دیکەی کۆرۆنا تۆمارکراون و سێ توشبووش گیانیان لە دەستداوە.

ئەمڕۆ شەممە ٢١ی ئازار، وەزارەتی تەندروستی و ژینگەی عێراق رایگەیاند، "لە ماوەی ٢٤ کاتژمێری رابردوودا سێ حاڵەتی گیان لەدەستدان بە ڤایرۆسی کۆرۆنا تۆمار کراون کە لە هەریەک لە ناوچەی کەرخ و شاری توب و بەسڕە بوون".

راشیگەیاند، "١٤ حاڵەتی دیکەی توشبوون بە ڤایرۆسەکە تۆمارکراون، کە دوو حاڵەت لە رەسافەی شاری بەغدا، چوار حاڵەت لە کەرخ، دوو حاڵەت لە نەجەف، چوار حاڵەت لە بەسڕە و دوو حاڵەتی دیکە لە موسەنا بوون".

ئاماژەی بەوەشکردووە، "بەو هۆیەوە کۆی گشتی ئاماری ڤایرۆسی کۆرۆنا لە سەرجەم عێراقدا بە هەرێمیشەوە گەیشتە ٢١٤ حاڵەتی توشبوون و ١٧ گیان لەدەستدان"، هاوکات، ٤٩ کەسیش لە نەخۆشییەکە چاکبوونەتەوە و نەخۆشخانەیان بەجێهێشتووە.

ئەوەش لە کاتێکدایە، هەرێمی کوردستانیش بەدەرنییە لەو حاڵەتانە و بەپێی ئامارەکانی وەزارەتی تەندروستی هەرێم، کۆی گشتی توشبووانی ڤایرۆسی کۆرۆنا لە هەرێمدا گەیشتووەتە ٤٨ حاڵەت، بە جۆرێک ٣٧ یان لە پارێزگای سلێمانييە، نۆ توشبووش لە پارێزگای هەولێر و یەکێکیشیان لە پارێزگاى دهۆک و یەکێکیش لە ئیدارەی ڕاپەڕین، لە کۆی ئەو ژمارەیەش یەک کەس گیانی لەدەستداوە و ١٣ کەسیش چاکبوونەتەوە.

هـ.ئـ