سەردێڕ:

عێراق.. حاڵەتێکى نوێی توشبوون بە کۆرۆنا تۆمارکرا

فۆتۆ: 
2020-03-19

3917 جار خوێندراوەتەوە

تەندروستى دیوانیە رایگەیاند، حاڵەتێکى توشبوون بە ڤایرۆسی کۆرۆنا لە پارێزگاکەیان تۆمارکرا کە خوشکى توشبوویەکى دیکەیە.

لەمیا حوسەینى بەڕێوەبەرى تەندروستى دیوانیە لە راگەیەندراوێکدا ئاماژەى بەوەکردووە، توشبووەکە ژنێکە و دانیشتووى قەزاى شامیەیە و دواى دەرچوونى پشکنینەکان، دەرکەوتووە، هەڵگرى ڤایرۆسی کۆرۆنایە.

تا ئێستا سێ کەس لە پارێزگاى دیوانیە توشی کۆرۆنا بوون و لەسەرتاسەرى عێراقیشدا تائێستا ١٦٥ حاڵەتى توشبوون بە ڤایرۆسی کۆرۆنا تۆمارکراوە و لەو ژمارەیەش ٤١ کەس چاکبوونەتەوە و١٢ کەسیش گیانیان لەدەستداوە.  



‌بەپەلە