سەردێڕ:

تەندروستیی جیهانی: ئەو ژمارە کەمەی توشبوون بە کۆرۆنا لە عێراقدا موعجیزەیە

تەندروستى جیهانى: تۆمارکردنى ئەو ژمارە کەمەى کۆرۆنا لە عێراق موعجیزەیە
فۆتۆ: 
2020-03-18

99327 جار خوێندراوەتەوە

ڕێکخراوى تەندروستى جیهانى لە بارەى ئامارەکانى توشبوون بەکۆرۆنا لە عێراق رایگەیاندووە، ئەو ئامارە کەمەى عێراق موعجیزەیە و جێگەى سەرسوڕمانە.

ڕۆژنامەى واشنتن پۆستى ئەمریکى لەسەر زارى ئەدهەم ئیسماعیل نوێنەرى ڕێکخراوى تەندروستى جیهانى لە عێراق بڵاویکردووەتەوە، "ئەو ئامارە کەمەى لە عێراق تۆمارکراوە جێگاى سەرسورمانە و بەپێی ئەو ئامارانەش رەوشى ئەو وڵاتە لە بارەى کۆرۆناوە جێگەى مەترسى نییە".

باسی لەوەشکردووە، "ڕەنگە لە داهاتووشدا لە عێراق سەدان حاڵەت تۆماربکرێن، بەڵام زۆربەیان بە سوکى توشى ڤایرۆسەکە دەبن و جێگەى مەترسى نییە".

ڕۆژنامەکە ئاماژەى بەوەشکردووە، "هەرچەندە وڵاتى عێراق لە ئیرانەوە نزیکە، بەڵام ژمارەیەکى کەمى توشبوون بە کۆرۆناى تێدا تۆمارکراوە و ئەگەریش هەیە ژمارەکان بەرزبنەوە".

ئەوەش لەکاتێکدایە، بەپیى ئامارە فەرمییەکان، تائێستا ١٦٤ حاڵەتى توشبوون بە ڤایرۆسی کۆرۆنا لە عێراق تۆمارکراوە و لەو ژمارەیش ٤١ کەس چاکبوونەتەوە و١٢ کەسیش گیانیان لەدەستداوە.