سەردێڕ:

​سێ هاوپەیمانێتى عێراق ڕاسپاردنی عەدنان زورفی ڕەتدەکەنەوە

فۆتۆ: 
2020-03-18

6622 جار خوێندراوەتەوە

هەر سێ هاوپەیمانێتی دەوڵەتی یاسا و عەقدی نیشتمانی و نەهجی نیشتمانی لە بەیاننامەیەکدا ڕاسپاردنی عەدنان زورفیان بۆ پێکهێنانی حکومەت ڕەتکردەوە.

 هاوپەیمانێتییەکانی دەوڵەتی یاسا و عەقدی نیشتمانی و نەهجی نیشتمانی لە بەیاننامەیەکدا ڕایانگەیاندووە، "بەداخەوەین کە بەرهەم ساڵح پێشێلی دەستوری عێراقی کردووە لە بری ئەوەى کاندیدی گەورەترین لیست ڕاسپێرێت، بە ئاشکرا ڕەتیکردووەتەوە".

ئەوەشی تێدا هاتووە، "کاندیدی لایەنێکى دیکەی لەدەرەوەی ڕێکارە دەستورییەکان کاندید کردووە و ئێمە بە هەموو شێوەیەک ئەمە ڕەتدەکەینەوە ".

ئەمەش لە دوای ئەوە دێت دوێنێ بەرهەم ساڵح سەرۆک کۆماری عێراق بە مەرسومێک عەدنان زورفی سەرۆکى هاوپەیمانی نەسری بۆ پێکهێنانی حکومەتى نوێ عێراق کاندید کرد.