سەردێڕ:

دوزخورماتوو.. لە کەوتنەخوارەوەى چەند گوللـە هاوەنێکدا چوار کەس برینداربوون

فۆتۆ: 
2020-03-17

1586 جار خوێندراوەتەوە

دیجیتاڵ میدیاى ئێن ئاڕ تى، دوزخورماتوو، ئاسۆ ئەحمەد

بەرپرسێکى حەشدى شەعبی رایگەیاند، ئێوارەى ئەمڕۆ چوار گوللـە هاوەن ئاراستەى قەزاى دوزخورماتوو کرا و بەوهۆیەوە چوار کەس برینداربوون.

ئەمڕۆ سێشەممە، عەلی هاشم ئۆغلو بەرپرسی راگەیاندن و پەیوەندیەکانی حەشدی شەعبی بە ئین ئاڕ تى راگەیاند، "رووداوەکە سەر لە ئێوارە روویداوە و دوو لە گوللـە هاوەنەکان گەڕەکی ئیمام ئەحمەدى کردووەتە ئامانج".

راشیگەیاند، "یەکێکی دیکە لە گوللـە هاوەنەکان لەسەر ڕێگای خورماتوو- بەغدا و هاوەنی چوارمیش لە نزیک کۆڕبەندی وەرزشی و لاوانی قەزای خورماتوو کەوتووەتە خوارەوە".

باسی لەوەشکرد، "بەهۆى گوللە هاوەنەکانەوە چوار کەس برینداربوون و گەیاندراونەتە نەخۆشخانەی گشتی خورماتوو".

ئاڕاستەکردنی ئەم گوللـەهاوەنانەش لە کاتێکدایە، بەرەبەیانی دوێنێ دووشەممە، ماتۆرسکیلێک لە ناوبازاڕی گەورەى قەزاکە تەقیەوە و بەهۆیەوە حەوت کەس برینداربوون.