سەردێڕ:

ئەمریکا: گروپێکى حەشدى شەعبى تۆمەتبارە بە هێرشەکەى سەر تاجى

فۆتۆ: 
2020-03-12

4644 جار خوێندراوەتەوە

وەزارەتى بەرگرى ئەمریکا " پنتاگون" رایگەیاند، گروپى حزبوڵاى عێراقى کە سەر بە حەشدى شەعبییە بەرپرسیارە لە هێرشەکەى سەر سەربازگەى تاجى لە باکورى بەغدا.

لە راگەیەنراوێکیدا وەزارەتى بەرگرى ئەمریکا کە ئەمڕۆ پێنجشەممە بڵاویکردووەتەوە و ئاماژەى بەوەکردووە، "حزبوڵاى عێراقى تاکە گروپى چەکدارییە کە بتوانێت هێرشبکاتە سەر بنکەى سەربازى تاجى".

هاوکات لەکاردانەوەى هێرشەکەدا، وەزارەتى دەرەوەى عێراق ئیدانەى هێرشەکەى کرد و بە کارێکى دوژمنکارانەى ناوبرد.

بەرپرسانى حکومەتى هەرێمیش هێرشەکەیان ئیدانەکرد و ئاماژەیان بەوەداوە، "لەکاتێکدا هێشتا هەڕەشەی تیرۆر لە عێراق و ناوچەکەدا بەردەوامە، ئەم جۆرە کردارانە زەمینە بۆ بەهێزبوونەوەی گروپە توندڕەوەکان دەڕەخسێنن و ئاڵۆزترکردنی دۆخەکە بە زیانی عێراق و سەرجەم گەلانی ناوچەکە دەکەوێتەوە."

ئەوە لە کاتێکدایە شەوى رابردوو، هێرشى موشەكی کرایە سەر بنكەی سەربازی تاجی لە باکورى بەغدا و بەهۆیەوە سێ سەربازی هاوپەیمانی دژی داعش كوژران کە دووانیان ئەمریکین و یەکێکیان بەریتانییە و ١٢ى دیکەش بریندار بوون.

‌بەپەلە