سەردێڕ:

لە دوو هێرشی چەکدارییدا دوو سەربازى عێراق کوژران

فۆتۆ: 
2020-02-29

1080 جار خوێندراوەتەوە

شانەى راگەیاندنى ئەمنى ئاشکرایکرد، لە دوو هێرشى گروپەچەکدارەکاندا لە داقوق و حەمدانییە سەربازێکى  سوپاى عێراق و سەربازێکى حەشدى شەعبى کوژران.

شانەکە لەراگەیەندراوێکدا ئاماژەى بەوەکردووە، لەکاتى پشکنین و گەڕانى هێزە ئەمنییەکانى کەرکوک بۆ سەرچاوەکانى تیرۆر، لەلایەن گروپە چەکدارەکانەوە هێرش کرایەسەر یەکێک لە خاڵە چاودێرییەکانى لیواى ٤٥ لە فیرقەى ١١ لە گوندى مەتیقى قەزاى داقوق و بووە هۆى کوژرانى سەربازێک و برینداربوونى سەربازێکى دیکە.

باسی لەوەشکردووە، هێرشێکى دیکەش کرایە سەر فەوجى سێ لە لیواى ٥٦ى حەشدى شەعبی لە نزیک حەمدانیە و بەو هۆیەشەوە سەربازێکى حەشدى شەعبی کوژرا.

ئەوەش لەکاتێکدایە، ناو بەناو گروپە چەکدارەکانى داعش لە بەشێک لە ناوچە جێناکۆکەکان جموجۆڵیان هەیە و هێرش دەکەنە سەر سوپاى عێراق و حەشدى شەعبی.