سەردێڕ:

دواین زانیارى لە سەر گەڕانەوەى هاوڵاتیانى هەرێم لە ئێرانەوە

فۆتۆ: 
2020-02-28

17228 جار خوێندراوەتەوە

دیجیتاڵ میدیاى ئێن ئاڕ تى، هەڵەبجە، وریا حەمەکەریم

وتەبێژى دەروازەى باشماخ ڕایگەیاند، تا ئێستا ٩٠٩ گەشتیارى هەرێمى کوردستان لە دەروازەى سنورى باشماخەوە گەڕاونەتەوە هەرێم.

موختار عەلى بە رپرسى ڕاگەیاندنى دەروازەى سنورى باشماخ بە دیجیتاڵ میدیاى ئێن ئاڕتى ڕاگەیاند،'' لە پاش قەدەغەکردنى هاتوچۆ لە نێوان هەرێمى کوردستان و وڵاتى ئێران لە لایەن وەزارەتى ناوخۆى هەرێم بە هۆى مەترسى بڵاوبونەوەى ڤایرۆسى کۆرۆنا تا ئێستا ٩٠٩ هاوڵاتى هەریم لە ڕێگەى دەروازەى باشماخەوە هاتونەتەوە ناوخاکى هەرێم''.

ئاماژەى بەوەشکرد،'' شۆفێرى ئەو بارهەڵگرانەى لە ئیرانەوە سوتەمەنى دەگوازنەوە بۆهەریم لە ژێرچاودیرى وردى تیمەکانى ئاسایش وتەندروستى دەین و پشکنینى وردییان بۆ دەکرێت''.

ئەوەشى خستەڕوو،'' لە ئێستادا بازرگانىکردن لەگەڵ وڵاتى ئێران لەڕێگەى دەروازەى باشماخەوە بە مەرج دەکرێت و وەک ڕۆژانى پێشوو ئاساییە''.

ئەوەش لە کاتێکدایە، ڕۆژى شەممە ریککەوتى ٢٢ ى شوباتى ٢٠٢٠، لە کۆنفرانسێکى ڕۆژنامەوانیدا رێبەر ئەحمەد وەزیری ناوخۆی هەرێم ڕایگەیاند، ''ھەموو سنورە نافەرمییەکان دادەخرێن و ئەو ھاوڵاتیانەی لە ئێرانەوە دەگەڕێنەوە بۆ کوردستان و لە حاجی ئۆمەران و پەروێزخان و باشماخەوە دێنەوە ھەرێم، ھەموو رێکارێک بۆ پاراستنییان دەگیرێتەبەر و ماوەی ١٤ رۆژ دەخرێنە ژێر چاودێرییەوە''.