سەردێڕ:

ئیدلیب.. لە بۆردومانێکدا ٢٢سەربازی تورکیا کوژران

فۆتۆ: 
2020-02-28

15953 جار خوێندراوەتەوە

پارێزگاری هەتای رایگەیاند، لە هێرشەکەی ئەمشەودا ٢٢ سەربازی تورکیا لە ئیدلیب کوژران. 

رەحمی دۆغان پارێزگاری هەتای بە میدیای تورکیای راگەیاندووە، بەهۆی هێرشە ئاسمانییەکانی سوریاوە لە ئیدلیب، ٢٢ سەربازی تورکیا کوژراون و ژمارەیەك لە بریندارانیش بۆ نەخۆشخانەكانی ئەو شارە گوازراونەتەوە.

لەلایەکی دیکەوە، ڕوانگەی سوری بۆ مافەكانی مرۆڤ باس لە كوژرانی ٣٤ سەربازی توركی دەكات كە لە هێرشە ئاسمانییەكانی سوریا لە ناوچەی بارە و بلیۆنی ئیدلیب.

هەر ئەمشەو، لە بڕیارێکی لە ناکاودا، بەرپرسێکی باڵای تورکیا بە رۆیتەرزی راگەیاندووە، سنورە ئاویی و وشکانییەکانیان بە رووی کۆچبەرانی سوریدا کردووەتەوە و رێگریی لە کۆچی ئاوارە سورییەکان بۆ ئەوروپا ناکەن. 

ئەمەش لە کاتێکدایە، تا دێت ئاڵۆزییەکانی ئیدلیب زیاتر دەبێت و بەهۆیەوە پەیوەندییەکانی رووسیا و تورکیاش گرژی تێکەوتووە.