سەردێڕ:

عەلاوی: سبەینێ دەنگ لەسەر کابینەی نوێی حکومەتی عێراق دەدرێت

فۆتۆ: 
2020-02-26

4134 جار خوێندراوەتەوە

سەرۆک وەزیرانی راسپێردراوی عێراق رایگەیاند، سبەینێ دەنگدان لەسەر کابینەی نوێی حکومەت بەڕێوەدەچێت و دەشڵێت کاندیدی پۆستە وەزارییەکان کەسانی بێلایەنن.

ئەمڕۆ چوارشەممە، محەمەد تۆفیق عەلاوی سەرۆک وەزیرانی راسپێردراوی عێراق ڕايگەياند، "سبەینی پێنجشەممە، دەنگدان لەسەر یەکەمین کابینەی پاڵێوراوانی بێلایەن و کەسانی دەستپاک بەڕێوەدەچێت"، دەشڵێت، "ئەو پاڵێوراوانە دەتوانن ماف بۆ گەل و شکۆ بۆ عێراق بگەڕێننەوە".

ڕاشیگەياند، "سبەینێ کۆتایی بە سەردەمی پشک پشکێنە دەهێنن، گەلی عێراق و پەرلەمانتاران و لایەنە سیاسییەکانی عێراق بەیەکەوە پەڕەیەکی نوێ هەڵدەدەنەوە".

ئەوەش لە کاتێکدایە، لە ١ی شوباتدا محەمەد تۆفیق عەلاوی لە تویتەری خۆی ڕایگەیاند، بەرهەم ساڵح سەرۆک کۆماری عێراق ڕایسپاردووە بۆپێکهێنانی  کابینەی نوێی حکومەت.