سەردێڕ:

سلێمانی.. ​سەردانیکردنی نەخۆش لە نەخۆشخانەکان قەدەغەکرا

فۆتۆ: 
2020-02-21

25345 جار خوێندراوەتەوە

تەندروستى سلێمانى ڕایگەیاند، لە پێناو سەلامەتی گیانی هاوڵاتیان سەردانیکردن بۆ نەخۆشخانەکان بۆ کاتێکی نادیار قەدەغەکرا.

بەڕێوەبەرایەتى تەندروستى سلێمانى لە ڕاگەیەندراوێکدا بڵاویکردەوە،" لە پێناو پاراستن و تەندروستیەکی باش بۆ هەموان سەردانیکردن بە هەمووشێوەیەک قەدەغەکرا لەهەموو نەخۆشخانەکان تا کاتێکى نادیار".

ئاماژەبەوەشکراوە،" داوا لەهاوڵاتیان دەکەین پابەندبن و هاوکارمان بن لە پێناو سەلامەتی خۆیان و هەمواندا".

ئەوەش دوایی ئەوەدێت، فەرهاد قادر بەرپرسى پەیوەندییەکانى چاکسازى گەورانى سلێمانى بە دیجیتاڵ میدیاى ئێن ئاڕ تى ڕاگەیاند، بە مەبەستى خۆپارێزى و ڕێگریکردن لە بڵاوبوونەوەى ڤایرۆسى کۆرۆنا لە ئەمڕۆ هەینیەوە سەردانیکردنى زیندانیانى چاکسازى گەورانى سلێمانى تا ماوەیەکى نادیار ڕاگیراوە.

هاوکات لە ئێستادا سەدان هاوڵاتی هەرێم لە سنورەکانەوە گەڕاونەتەوە هەرێم و لە ژێر چاودێریدان بۆ ڕێگریکردن لە بڵاوبوونەوەی کۆرۆنا.