سەردێڕ:

ڤیدیۆ.. خستنەخوارەوەی هێلیکۆپتەرێکی سوپای سوریا

فۆتۆ: 
2020-02-14

9249 جار خوێندراوەتەوە

هێزە چەکدارەکانی نزیک لە تورکیا هێلیکۆپتەرێکی جەنگی حکومەتی سوریایان لە سنورى پارێزگاى حەلەب خستەخوارەوە.

سوپاى ئاسمانى سوریا رایگەیاند، بەرەبەیانی ئەمڕۆ هەینی هێلیكۆپتەرێكی سەر بە سوپاكەیان لە رێگەی چەند موشوكێكەوە كراوەتە ئامانج و بەو هۆیەشەوە هێلیكۆپتەرەكە خراوەتەخوارەوە و تیمە فڕۆكەوانییەكەشی گیانیانلەدەستداوە.

ئاماژە بەوەشكراوە، موشەكەكان لە ناوچەی ریفی حەلەبەوە كە شوێنی چەكدارەكانی نزیك لە توركیان، ئاڕاستەی هێلیكۆپتەرەكەی سوپای سوریا كراوە.

ئەمەش لە کاتێکدایە، بەمدواییانە حکومەتی سوریا بە هاوکاریی روسیا ئۆپراسیۆنێکی بۆ کۆنترۆڵکردنەوەی ئیدلیب دەستپێکردووە.

شاری ئیدلیب ساڵانێکە لە ژێر هەژموونی گروپە چەکدارەکانی نزیک لە تورکیادان کە خۆیان وەکو ئۆپۆسزیۆنی سوریا ناساندووە.